1E Mata 24:1; Luka 21:5TE aere atura aia ki vao i te iero ra, kua na ko maira tetai pipi nana kiaia, E te Orometua, ka akara na i te tu o teianei au toka e te are i te mamaata.
2Kua karanga aturā Iesu kiaia, na ko atura, Te akara nei koe i te au are mamaata nei? Luka 19:44kare rava tetai toka e vaioia ki rungao i tetai, e ope rava ïa i te uriia ki raro.
3E te noo ra aia ki runga i te maunga ra i Oliveta, i runga ake i te iero ra, kua ui poiri mairā Petero, e Iakobo, e Ioane, e ko Anederea, kiaia, na ko maira,
4Mata 24:3; Luka 21:7Ka akakite mai koe kia matou i te tupu anga o te reira au mea; eaa te akairo e kite ei e, te tupu ra?
5Kua karanga aturā Iesu kia ratou, na ko atura, Iere 29:3; Ephe 5:6; 1 Tesa 2:3Kia matakite oki ia kotou, ko te vare aea i te tangata:
6E manganui te ka aere mai ma toku nei ingoa, e te na ko anga mai e, Ko au te Mesia, e manganui oki te ka vare.
7E kia akarongo kotou i te tuatua tamaki, e te rongo tamaki, auraka e mataku: e na mua oki te reira i te tupu e tikaʼi, kare ra e vaitata te openga i reira.
8E tu mai tetai enua e tamaki mai ki tetai enua, e tetai basileia e tamaki mai ki tetai basileia: e te ngaruerue o te enua i tera ngai, i tera ngai, te onge oki, e te taitaia maata; Mata 24:8ko te momua ïa teia au mea no te mate.
9 Mata 10:17,18; 24:9; Apo 2:10 Kia matakite ra ia kotou uaorai, e tuku oki ratou ia kotou ki mua i te aroaro o te Sunederi; e ka pāpāia oki i roto i te au sunago ra; e noku nei e aratakiia atu ei kotou ki mua i te aroaro o te au tutara ra, e te ui ariki, ei kite no ratou.
10Mata 24:14E na mua ra te evangelia nei i te akakiteia atu i to te pa enua ravarai e tikaʼi.
11Mata 10:19; Luka 12:11; 21:14E kia arataki ratou ia kotou e tuku atu ki te aronga akava, auraka e na mua i te akamaara i te tuatua ei tuatua anga, auraka oki e kimi mamao i te manako: ko tei akakiteia mai ia kotou i reira ra, ko ta kotou ïa e tuatua, kare oki kotou uaorai tei tuatua, Anga 2:4; 4:8,31ko te Vaerua Tapu ra.
12Mika 7:6; Mata 10:21; 24:10; Luka 21:16E tuku oki te tuakana i te teina kia mate, e te metua tane ra i te tamaiti; e te au tamariki oki e tu mai e rave i to ratou ui metua kia mate.
13Mata 24:9; Luka 21:17E makitakitaia mai kotou e te tangata ravarai i toku nei ingoa; Dani 12:12; Mata 10:22; 24:13; Apo 2:10ko tei tāpu tikai e tae ua atu ki te openga ra, ka ora ïa.
14Mata 24:15Kia akara ra kotou i te mea rikarika e taneaʼi, Dani 9:27tei tuatuaia mai e Daniela peroveta, i te tu ua anga i te ngai tau kore ra, (ko tei tatau ra ka akono ïa kia kite,) Luka 21:21te aronga e noo i Iudea nei, e oro ratou ki te maunga i reira:
15E te tangata i rungao i te are ra, auraka aia e eke ki roto i te are, eiaa e tomo ki roto e apai i tetai mea apinga ki vao.
16E auraka tei te kainga ra, e oki mai e tiki i tona kakau.
17Luka 21:23; 23:29E ae oki to te au vaine nui ra, e te akangote i te tamariki, i te reira tuatau.
18E pure oki kotou, kia kore to kotou oro anga e riro i te paroro.
19Dani 9:26; 12:1; Ioela 2:2; Mata 24:21E mate maata oki tei te reira tuatau, kare ïa i aite mei muatangana mai o te au mea katoa ta te Atua i anga, e tae rava akenei i teianei rā, e kare rai oki a muri ake.
20Naringa oki kare i tapotoia taua au rā ra e te Atu, kare rava tetai tangata e ora: no te aronga ra tana i iki ra, e riro ïa au rā i te tapotoia e ia.
21Mata 24:23; Luka 17:23; 21:8E kia tuatua mai oki tetai tangata kia kotou i reira, I na, teia te Mesia; e i na, tera; auraka e akarongo atu.
22E au Mesia pikikaa oki te ka tu mai ki runga, e te peroveta pikikaa, e tuku mai i te akairo e te ravenga taka ke; e tae ua atu te vare i te aronga i ikiia ra, naringa e tika.
232 Pete 3:17E tenana e matakite ia kotou; i na, kua akakite mamao atu na au ia kotou i teia katoa nei au mea.
24 Dani 7:10; Zepha 1:15; Mata 24:29&c; Luka 21:25 E kia tae ki taua tuatau i muri ake i taua mate maata ra, e akapoiriiaʼi te rā, e te marama oki, kare ïa e kakā mai;
25E topa mai oki te au etu o te rangi ra, e te au mea mana o te rangi ra, e ruruia ïa.
26Dani 7:13,14; Mata 16:27; 24:30; Mare 14:62; Anga 1:11; 1 Tesa 4:16; 2 Tesa 1:7,10; Apo 1:7Ei reira ratou e kite ei i te Tamaiti a te tangata i te aere anga mai na roto i te tiao rangi, ma te mana maata, e te kakā.
27Ei reira oki aia e tono atu ei i tana au angela, e akaputuputu mai i tona tangata i ikiia ra, no nga rua matangi e a katoa, e no te openga mai o te enua, e tae ua atu ki te openga o te rangi ra.
28Mata 24:32; Luka 21:29&cE teianei kia kite kotou i tetai parabole i te suke nei; kia tupu tona kao, e kia puera te rau, te kite ra kotou e, kua vaitata i akaū i reira.
29Koia katoa oki, kia kite kotou i teianei au mea i te tupu anga mai, kua vaitata ïa, tei te pae ngutupa, kia kite oki kotou.
30Koia mou taku e karanga atu kia kotou na, Kare e ope teianei uki, ka ope ei i te tupu teia katoa nei au tuatua.
31E kore ake te rangi e te enua; Isa 40:8kare rava ra taku nei tuatua e kore.
32Kareka te reira rā e te reira ora, kare rava tetai e kite, kare oki te au angela o te rangi, kare katoa oki te Tamaiti, ko te Metua anake ra.
33Mata 24:42; 25:13; Luka 12:40; 21:34; Roma 13:11; 1 Tesa 5:6E matakite oki ia kotou, e akamaroiroi, e e pure; kare oki taua tuatau ra i kitea e kotou.
34Mata 24:45; 25:14Mei te tangata nei oki e aere i te ngai mamao, vaio atura i tona are, tuku atura te rangi ki tona au tavini, e te angaanga i te tangata ravarai, tanao, tanao, e kua akaue oki i te tiaki pa ra, kia ara.
35Mata 24:42,44E tenana e ara kotou; kare oki kotou i kite i te ora e tae mai ei te atu o te are ra, i te aiai ra aina? te turuaipo aina? i te kakaoa anga moa, e i te popongi aina?
36Ko te aere vave mai aea, e rokoia maira, te moe ra kotou.
37E taku e karanga atu kia kotou nei, te karanga atu nei au ki te tangata ravarai, Ka ara.
Who We AreWhat We EelieveWhat We Do
2025 by iamachristian.org,Inc All rights reserved.
