Ezekiela 41 - Cook Islands Maori Bible(CIMB)

PENE XLI - 41Te au aite, te au pia, e te au mea akamanea, o te oire ra.

1E MURI akera, kua arataki maira aia iaku ki te nao, e kua aite iora i te au pou, e ono kubiti i te pararauare i teia pae, e one oki kubiti i te pararauare i tera pae, ko te pararauare ïa o te Are.

2E te pararauare o taua pa ra, okotai ngauru ïa i te kubiti; e nga pae i taua pa ra, e rima ïa kubiti i teia pae, e rima oki kubiti i tera pae: e kua aite akera aia i te roa o te reira, e a ïa ngauru i te kubiti; e te pararauare ra, e rua ïa ngauru i te kubiti.

3Kua aere atura aia ki roto, e kua aite iora i te pou no te pa, e rua ïa kubiti; e te pa ra, e ono ïa kubiti; e te pararauare o taua pa ra, e itu ïa kubiti.

4Kua toru ngau ma toru ïa kua akamouia ki runga i te patu i angaia no ratou e pini ua ake i te are, kia mou ratou, kare ra o ratou mou i taua patu are ra.

71 Ari 6:8Te akapararauareia ra taua aerenga ki runga i taua au pia i te pae ra i te akapini aere anga: te aere ra oki ki te pararauare anga taua aerenga o te are ra e pini ua ake i te aere ki runga ra: pararauare atura oki taua are ra ki runga rava atura, mei te pia i raro roa ra i te aere ua anga na rotopu e tae atura ki tei runga roa ra.

8Kua akara atura oki au i te teitei o taua are ra e pini ua ake: ko nga tumu o te au pia i te pae ra, okotai ïa Eze 40:5kakao e ono kubiti nui.

9Te patapatatue o te patu no te au pia i te pae ki vao ra, e rima ïa kubiti, e te toe ra, ko te ngai ïa o te au pia o te pae ki roto ra.

10E te va i rotopu i taua au pia ra, okotai takau ïa kubiti i te pararauare e pini ua ake taua are ra, tetai pae, e tetai pae.

11E te au pa no te au pia i te pae ra, tei te pae i akatoeia ïa, tei te pae ki apatokerau tetai pa, e tei te pae ki apatonga tetai pa: e te pararauare o te ngai i akatoeia ra, e rima ïa kubiti e pini ua ake.

12Ko te patu ra ki mua i te ngai i akataka keia ra i te openga i te pae ki te opunga o te rā ra, e itu ïa ngauru i te kubiti i te pararauare; e te koro o te ngai i patuia ra, e rima ïa kubiti i te patapatatue e pini ua ake, e te roa o te reira ra, e iva ïa ngauru i te kubiti.

13E kua aite atura aia i taua are ra, okotai ïa anere i te kubiti i te roa, e te ngai i akataka keia ra, e tei patuia ra, e to reira au patu katoa ra, okotai ïa anere i te kubiti i te roa.

14E te pararauare o te aro o taua are ra, e te ngai i akataka keia ra ki te pae i te itinga o te rā ra, okotai ïa anere i te kubiti.

15E kua aite iora aia i te roa o te patu ki mua i te ngai akataka keia ra, tei muri mai e te au taua rua i teia pae, e tera pae, okotai ïa anere i te kubiti, e te nao ki roto ra, e te au tomoanga o te paepae ra;

16Nga kopa ngutupa ra, e te Eze 40:16; 41:26au māramārama kokota ua, e te au taua rua e pini ua ake nga taua e toru ki mua atu i te au ngutupa, kua tapokiia ki te rakau e pini ua ake, mei raro i te one e tae rava atura ki runga i te au māramārama, e kua tapokiia te au māramārama;

17Ki te ngai ki rungao i te pa, e tae rava atu ki te are ki roto, e ki vao, e te pae patu ravarai e pini ua ake, ko roto e ko vao katoa, i te aite anga.

181 Ari 6:29E au kerubi tei angaia, e te au nu tamara, ei nu tamara tei rotopu, e kerubi tei tetai pae, e kerubi ki tetai pae; e rua oki mata to te kerubi okotai;

19Eze 1:10E mata tangata tei anga tika ki te nu tamara ki tetai pae, e e mata liona tei anga tika ki te nu tamara ki tetai pae: ki runga i taua are katoa ra te rave angaia e pini ua ake.

20Mei raro i te one e tae rava atu ki runga i te ngutupa taua au kerubi ra e te au nu tamara, i te rave angaia, e ki runga oki i te patu o te nao.

21Kua akaaroia nga pou o te nao e a aro; e ko mua i te ngai-tapu ra, okotai rai aite i te akara anga atu i tetai e tetai.

22 Exo 30:1 E te atarau rakau ra, e toru ïa kubiti i te teitei, e te roa oki o te reira, e rua ïa kubiti; e nga poo o te reira ra, e tona roa, e nga urupae ra, e rakau ïa: e kua tuatua maira aia kiaku, Ko Eze 44:16; Mala 1:7,12te kaingakai teia Exo 30:8ki mua i te aroaro o Iehova.

23E rua oki ngutupa to te nao e te ngai-tapu.

241 Ari 6:31-35Taki rua oki pa ki te ngutupa okotai, e aatu tetai e aatu tetai; e rua pa ki tei mua ngutupa, e rua oki pa ki tei muri.

25E rapaia iora ki runga i taua nga pa o te nao ra, tetai aronga kerubi, e te au nu tamara, mei tei rapaia ki runga i te au patu ra; e nga tea rakau ki rungao i te tomoanga ki vao.

26E te Eze 40:16; 41:16au māramārama kokota ua, e te au nu tamara i teia pae e tera pae, tei nga pae o te au tomoanga, e tei te au pia i te pae o te are ra, e te au tea katoa oki.