2 Paraleipomeno 13 - Cook Islands Maori Bible(CIMB)

PENE XIII - 13Te au o Abia, e to Ieroboama pou anga iaia.

1 E TAE Mikaia te ingoa o tona metua vaine, e tamaine na Uriela no Gibea ra. E tamaki oki ta Ieroboama raua ko Abia.

3Kua akamou iorā Abia i te tamaki, e nuku tangata tamaki anake tona, e a anere te tausani e aronga tangata ikiia: kua akamou iorā Ieroboama i te tamaki e rave iaia, e varu ïa anere anga i te tausani e aronga tangata ikiia, e aronga toa anake.

4Kua tu aturā. Abia ki runga i te maunga ra ko Iosu 18:22Zemaraima, tei te maunga ra ko Epheraima, e kua karanga atura, E akarongo mai ana, e Ieroboama, e Iseraela katoa oki:

5Kare kotou i kite e, na te Atua no Iseraela na Iehova i 2 Samu 7:12,13,16oronga mai i te basileia ra i runga ia Iseraela no Davida, e tuatau ua atu, nona, e no tana au tamariki, Nume 18:19ei koreromotu tai?

6E ko Ieroboama te tamaiti a Nebata, te tavini no Solomona te tamaiti a Davida ra, 1 Ari 11:26; 12:20kua tu mai ïa kua kaitamaki i tona ra pu.

7E kua kapiti katoa mai kiaia te Aka 9:4tangata kanga, e te upokoango, ko tei akamaroiroi ia ratou uaorai e tamaki ia Rehoboama te tamaiti a Solomona ra, te vai ou rā Rehoboama e te ngakau pakari kore i reira, e kare akera aia i mou ki mua ia ratou.

8E tenana, te manako na kotou e pou ia kotou te basileia o Iehova i te rima o te au tamariki a Davida; e aronga maata rai oki kotou, e tei ia kotou na nga punua puakatoro auro, 1 Ari 12:28; 14:9; Hose 8:6ta Ieroboama i anga ei atua no kotou.

92 Para 11:14,15Kare ainei kotou i tuaru ke i te kau taunga na Iehova, te au tamariki a Aarona, e te ngati Levi, e kua akariro ua io nei kotou i te tangata ei au taunga na kotou mei ta te pa enua ke ra? Exo 29:35e kia aere mai te tangata e akataoonga iaia uaorai ma te puakatoro ou e nga mamoe toe e itu, e riro ïa ei taunga na te au mea kare i te atua ra.

10Kareka matou nei, ko Iehova ïa to matou Atua, e kare akenei matou i akaruke iaia: e te kau taunga, tei rave i te angaanga na Iehova ra, e tamariki ïa na Aarona, e te rave nei oki te au ngati Levi i ta ratou angaanga:

112 Para 2:4E te tutungi nei ratou, i te au popongi katoa nei, e te au aiai katoa nei, i te atinga karakaratio na Iehova, e te atinga kakara ra: Levi 24:6e te areto o te aroaro nei, te akanoonoo marie nei ki runga i te kaingakai auro meitaki ra; e te vairanga lamepa auro e to reira au lamepa Exo 27:20,21; Levi 24:2,3kia tutungiia i te au aiai katoa nei: te akono nei oki matou i tei ikuikuia mai e to matou Atua e Iehova; kua akaruke ra kotou iaia.

12E i na, teia uaorai te Atua tei ia matou ei rangatira, Nume 10:8e te kau taunga katoa nana ma te au pu e akatangi atu i te tangi akapoitirere ia kotou. E te au tamariki a Iseraela e, Anga 5:39auraka kotou e tamaki i te Atua o to kotou ai metua ra ia Iehova; kare e manuia ta kotou.

13Kua akaueia ra e Ieroboama te kotipu e na muri mai ia ratou; tei mua mai oki ratou ia Iuda, e tei muri mai oki ia ratou te kotipu.

14E kia akara tika Iuda ki muri, i na, tei mua tetai tamaki e tei muri tetai; kua kapiki atura ratou kia Iehova, e kua akatangi iora te kau taunga i te au pu.

15Kua maeva iora te au tangata no Iuda; e te maeva ua ra te au tangata no Iuda, 2 Para 14:12eke iorā Ieroboama i te Atua, e Iseraela katoa, i mua i te aroaro o Abia e ko Iuda.

16Ati atura te tamariki a Iseraela i mua i te aroaro o Iuda; e kua tuku maira te Atua ia ratou ki roto i to ratou rima.

17Kua ta aturā Abia e te au tangata nona, e pou maata ua atura: e rima anere i te tausani anga i te tangata ikiia no Iseraela, tei topa mate takiri rava i reira ra.

18Vi atura te tamariki a Iseraela i reira; autu atura te tamariki a Iuda, 1 Para 5:20; Sala 22:5no te mea, te irinaki ra ratou i te Atua o to ratou ai metua ia Iehova.

19Kua aru aturā Abia ia Ieroboama, e riro maira iaia eianei puke oire, ko Betela e to reira au vila, e ko Iesana e to reira au vila, e ko Iosu 15:9Epherona e to reira au vila.

20Kare oki a Ieroboama i maroiroi akaou i te au rā o Aoia ra: 1 Samu 25:38taia iora oki aia e Iehova, 1 Ari 14:20e mate rava akera.

21Tupu aturā Abia i te maroiroi anga, e kua akaipoipo atura i te au vaine okotai ngauru ma a, e anau maira oki tana au tamariki tamaroa tai takau ma rua, e te au tamaine oki okotai ngauru ma ono.

22E te toenga o te tuatua ia Abia e tona au aerenga, e tana au tuatua, kua tataia ïa ki roto i te tuatua a te peroveta ra 2 Para 12:15a Ido.