Numero 28 - Cook Islands Maori Bible(CIMB)

PENE XXVIII - 28Puke ture akakiteia no te apai anga i te au atinga ra.

1KUA tuatua mairā Iehova kia Mose, na ko maira,

2E akaue atu koe ki te tamariki a Iseraela, e na ko atu koe kia ratou, Ka akono rai kotou i taku au atinga, Levi 3:1; 21:6,8; Mala 1:7,12taku kai, ei atinga ai naku, ei mea aunga kakara naku, e apai mai ïa kiaku nei i tona tuatau tikai i akonoia ra.

3E karanga atu koe kia ratou, Exo 29:38Teia te atinga ai ta kotou e apai kia Iehova ra; e puke punua mamoe mataiti okotai, e te kino kore, e rua, i tera rā, i tera rā, ei atinga karakaratio tamou ïa.

4Tetai punua mamoe ra ei te popongi koe ka apai ei, e tetai punua mamoe ei te aiai koe ka apai ei;

5Exo 16:36; Nume 15:4Okotai oki omera faraoa, i irokia ki Exo 29:4te inu reruia, okotai kuata ina, Levi 2:1ei atinga kai.

6E Exo 29:42; Amo 5:25atinga karakaratio tamou ïa, i akatupuia i te maunga ra i Sinai, ei atinga ai aunga kakara na Iehova ra.

7E te atinga inu no te reira ra, okotai kuata ina to te punua mamoe okotai ra; Exo 29:42ei te ngai-tapu ra ka riringiiaʼi te wina ki mua ia Iehova, ei atinga inu.

8E tetai punua mamoe ra, ei te aiai koe ka apai ei; mei te atinga kai e tona atinga inu i tei te popongi ra, ka apai ei koe, ei atinga ai aunga kakara na Iehova ra.

9Kareka i te rā sabati ra, e tataki rua punua mamoe kia apai ei mataiti okotai rai, e te kino kore, kia rua omera faraoa, i irokia ki te inu, ei atinga kai, e to reira oki atinga inu.

10Eze 46:4Ko te atinga karakaratio teia no te au sabati katoa ra, e taka ke rai te atinga karakaratio tamou ra, e to reira oki atinga inu.

11 Nume 10:10; 1 Samu 20:5; 1 Para 23:31; 2 Para 2:4; Ezera 3:5; Nehe 10:33; Isa 1:13,14; Eze 45:17; 46:6; Hose 2:11; Kolo 2:16 E kia tae ki te marama ou ra, e apai kotou i te atinga karakaratio na Iehova; e rua puakatoro ou, okotai mamoe toa, e itu oki punua mamoe mataiti okotai, e te kino kore;

12E Nume 15:4-12toru oki omera faraoa i irokia ki te inu, i te puakatoro okotai ra, ei atinga kai; e rua oki omera faraoa i irokia ki te inu, i te mamoe toa okotai ra, ei atinga kai;

13E okotai oki omera faraoa i irokia ki te inu, i te punua mamoe okotai ra, ei atinga kai; ei atinga karakaratio aunga kakara, ei atinga ai na Iehova ra.

14E te au atinga inu no te reira ra, ei afa ina wina i te puakatoro okotai ra, okotai oki tuanga ina i tua toruia ra, i te mamoe toa okotai ra, e tetai kuata ina i te punua mamoe okotai ra. Ko te atinga karakaratio ïa teia no te au marama katoa, e ope roa ake te au marama o te mataiti ra.

15Nume 28:22; 15:24Okotai oki puakanio ei tarangaara ka apaiia kia Iehova ra, e te atinga karakaratio tamou katoa, e tana katoa ra atinga inu.

16 Exo 12:16,18; Levi 23:5; Nume 9:3; Deu 16:1; Eze 45:21 E kia tae ki te po okotai ngauru ma a i te marama mua ra, ko te pasa ïa na Iehova.

17Levi 23:6E te ngauru ma rima o te po i taua marama ra, ko te oroa ra ïa: e po itu i te kainga i te areto akaopue kore

18Exo 12:16; Levi 23:7Ko te rā mua ra, e uruoaanga tapu ïa; auraka roa kotou e rave i te angaanga i reira.

19E apai ra kotou i e rua puakatoro ou, okotai oki mamoe toa, e itu punua mamoe mataiti okotai, Nume 28:31; Levi 22:20; Nume 29:8; Deu 15:21ei mea kino kore anake ia kotou, ei atinga ai, ei atinga karakaratio na Iehova:

20E te atinga kai no te reira ra, ei faraoa ïa, i irokia ki te inu; e toru omera ta kotou e apai no te puakatoro okotai, e rua oki omera no te mamoe toa;

21Okotai oki omera to te punua mamoe okotai, taau ïa e apai, e pini ua ake aua nga punua mamoe e itu ra:

22Nume 28:15Okotai oki puakanio tarangaara ei tapokiangaara na kotou.

23E apai kotou i teia, e te atinga karakaratio no te popongi katoa ra, e atinga karakaratio tamou oki te reira ra.

24E pera kotou i te apai i te kai no te atinga ai i te au rā katoa, e ope roa ake nga rā e itu ra, ei mea aunga kakara na Iehova: ko te reira, e te atinga karakaratio tamou katoa ra, e tona oki atinga inu i te apai katoa anga.

25Exo 12:16; 13:6; Levi 23:8E kia tae ki te po itu ra, ei uruoaanga tapu ta kotou; auraka rava kotou e rave i te angaanga i reira.

26 Exo 23:16; 34:22; Levi 23:10,15; Deu 16:10; Anga 2:1 E kia tae katoa ki te rā popo ra, kia apai mai kotou i te atinga kai ou kia Iehova ra, kia ope nga ebedoma e itu no kotou ra, ei uruoaanga tapu ta kotou; auraka rava oki kotou e rave i te angaanga i reira:

27Ka apai ra kotou i te atinga karakaratio aunga kakara na Iehova; Levi 23:18,19e rua puakatoro ou, okotai mamoe toa, e itu punua mamoe mataiti okotai ra;

28E to te reira oki atinga kai faraoa, i irokia ki te inu, e toru ïa omera i te puakatoro okotai re, e rua oki omera i te mamoe toa okotai,

29Okotai oki omera i te punua mamoe okotai, e ope ua ake aua nga punua mamoe e itu ra;

30Okotai oki puakanio ei tapokiangaara na kotou.

31Ko te reira ta kotou e apai, e to reira oki au atinga inu, Nume 28:19auraka rava oki ei kino, e te atinga karakaratio tamou, e to reira oki atinga kai katoa ra.