Ezekiela 8 - Cook Islands Maori Bible(CIMB)

PENE VIII - 8Te orama no te idolo akavareae: te au mea viivii i rave poiriia ra: to te Atua riri i to ratou akamori idolo.

1 E TAE akera ki te ono o te mataiti, i te ono o te marama, i te rā rima i taua marama ra, iaku i noo ua i roto i toku Eze 14:1; 20:1; 33:31are, te noo katoa maira te au tangata pakari o Iuda i mua iaku, Eze 1:3; 3:22rokoia iora au i reira e te rima o te Atu ra o Iehova.

2Eze 1:26,27Kua akara iora au, e i na, e tu tangata mei te ai ra te tu, mei tona taukupu e ko raro, mei te ai ra, mei tona taukupu oki e ko runga, mei te kakā te tu, mei te Eze 1veo kanapanapa.

3Kua Dani 5:5tuku maira oki aia mei te rima te tu, e kua opu maira iaku ki tetai makave rauru no toku nei mimiti: Eze 3:14kua apai akera te Vaerua iaku ki runga i rotopu i te rangi e te enua nei, Eze 11:1,24; 40:2e kua apai akera iaku i te orama a te Atua ki Ierusalema, ki te pa o te ngutupa i roto ra, i tei anga tika ki te pae i apatokerau ra; Iere 7:30; 32:34; Eze 5:11tei reira te nooanga o te idolo akavareae ra, Deu 32:16,21i tei akakoko kia vareae.

4E i na, tei reira te kakā o te Atua o Iseraela, Eze 1:28; 3:22,23mei te orama taku i kite i te ngai mataataa ra.

5E kua tuatua maira aia kiaku nei, E te tamaiti a te tangata na, ka nānā na to mata ki te pae i apatokerau ra. Kua nānā akera au i toku mata ki te pae apatokerau, e i na, i te ngutupa o te atarau ra, ki te pae i apatokerau ra, teianei idolo akavareae ra, i te tomoanga ra.

6Kua tuatua maira oki aia kiaku, E te tamaiti a te tangata na, te kite ra koe ta ratou e rave nei? te au mea viivii maata ta te ngutuare o Iseraela i rave i teianei ngai, kia akaruke rava au i toku ngai-tapu nei? e ariu akaou ra koe, e kite atu rai koe i te au mea viivii maata roa ra.

7E kua arataki maira aia iaku ki te ngutupa o te paepae ra; e kia akara iora au ra, e i na, e vaarua tei roto i te patu ra.

8E kua tuatua maira aia kiaku, E te tamaiti a te tangata na, ka ko ana ki roto i te patu ra: e kia koia e au ki roto i taua patu ra, i na, e ngutupa.

9Kua tuatua maira oki aia kiaku, Ka aere ki roto, ka akara i te au mea kino viivii ta ratou e rave i ko nei.

10Aere atura au ki roto, e kite atura; e i na, te au aite anga ravarai o te au mea totoro aere, e te au puaka viivii, e te au idolo ravarai o te ngutuare o Iseraela, i te kotikoti angaia ki runga i te patu e pini ua ake.

11Kua tu ua maira oki ki mua ia ratou nga tangata e itu ngauru o te aronga pakari o Iseraela, e ko Iaazania te tamaiti a Saphana i te tu ua anga i rotopu ia ratou, e āriki ai anake tei te rima o taua au tangata ravarai ra, peke atura te tumurangi atinga kakara patapatatue ra ki runga.

12E kua tuatua maira aia kiaku, E te tamaiti a te tangata na, kua kite ainei koe i ta te aronga pakari o te ngutuare o Iseraela i rave nei i te poiri, te au tangata ravarai i roto i te au pia tiki nona ra? te karanga ra oki ratou, Eze 9:9Kare a Iehova e akara mai ia tatou; kua akaruke a Iehova i te enua nei.

13E kua tuatua maira aia kiaku nei, E ariu akaou ake koe, ka kite atu rai koe i te au mea viivii maata rava, e ngari ake ta ratou e rave nei.

14Kua arataki maira aia iaku i reira ki te pa o te ngutupa o te are o Iehova, i te pae i apatokerau ra; e i na, e aronga vaine tei noo i reira i te aue anga ia Tamuza.

15E kua tuatua maira aia kiaku, Kua kite ainei koe, e te tamaiti a te tangata na? e ariu akaou ake koe, ka kite atu rai koe i te au mea viivii maata rava, e ngari ake teia.

16E kua arataki maira aia iaku ki roto i te paepae i roto ra, i te are o Iehova, e i na, tei te ngutupa o te nao o Iehova, Ioela 2:17i rotopu i te tomoanga e te atarau ra, Eze 11:1nga tangata tai takau ma rima, Iere 2:27; 32:33ma to ratou tua i te iki angaia ki te nao o Iehova, e to ratou mata i te ariu anga ki te itinga o te rā ra; e te akamori ra ratou i Deu 4:19; 2 Ari 23:5,11; Iobu 31:26; Iere 44:17te rā i te pae i te itinga o te rā ra.

17E kua tuatua maira aia kiaku, Kua kite ainei koe, e te tamaiti a te tangata na? E mea māmā ainei i te ngutuare o Iuda kia rave ratou i te au mea viivii ta ratou e rave i ko nei? Eze 9:9kua akaki oki ratou i te enua ki te takinga-kino, e kua oki mai e akakoko mai iaku kia riri; e i na, te tuku nei ratou i te rara rakau ki to ratou putaiu.

18Eze 5:13; 16:42; 24:13E teianei, e rave katoa oki au ma te riri otooto: kare Eze 5:11; 7:4,9; 9:5,10toku mata e akaperepere, kare oki au e tangi atu: Mase 1:28; Isa 1:15; Iere 11:11; 14:12; Mika 3:4; Zeka 7:13e tae ua mai to ratou aue maata i roto i toku taringa nei, kare au e akarongo atu ia ratou.