1 Korinetia 7 - Cook Islands Maori Bible(CIMB)

PENE VII - 7No te akaipoipo; te akaipoipo kore; te takaua; te tane akarongo kore, e te vaine akarongo kore; no te peritome; te paretenia: te mea e tikaʼi kia akaipoipo e te kore.

1I TE au tuatua ta kotou i tata mai iaku nei, 1 Kori 7:8,26e mea meitaki ïa i te tangata nei eiaa e rave i te vaine.

2Mari ra ei akakore i te kanga, ei vaine mou ta te tane, e ei tane mou ta te vaine.

3Exo 21:10; 1 Pete 3:7E o atu te tane i te mea takinga-meitaki ki te vaine e tikaʼi: e pera katoa te vaine ki te tane.

4Kare oki tei te vaine te tuatua i tona uaorai kopapa, tei te tane ra; mei te reira to te tane, kare tei iaia te tuatua i tona uaorai kopapa, tei te vaine ra.

5Ioela 2:16; Zeka 7:3; Exo 19:15; 1 Samu 21:4,5Eiaa korua e akataka ia korua uaorai, mari ra ei ngai poto ake, kia tika ia korua; kia rauka ta korua akakoreanga kai e te pure: ka kapipiti akaou ei korua, kia kore 1 Tesa 3:5a Satani e tapikipiki mai ia korua no tei kore e tika ia korua kia akakoromaki.

6E ako ra teia naku, taku e tuatua nei, 1 Kori 7:12,25; 2 Kori 8:8; 11:17kare te mea i akaueia mai.

7Anga 26:29Te inangaro nei au 1 Kori 9:5e mei iaku nei te tu o te tangata ravarai. Mata 19:12; 1 Kori 12:11Ko ta te Atua ra i oronga mai ki te tangata katoa ra, ko tana ïa: e tu ke to tetai, e tu ke oki to tetai.

8Teia taku tuatua ki te aronga takaua, te tane e te vaine: 1 Kori 7:1,26E mea meitaki ia ratou kia noo ua mei iaku katoa nei.

91 Timo 5:14Kia kore ra e tika ia ratou ra, ka akaipoipo ratou: e mea meitaki te akaipoipo i te ka ua.

10E i te aronga i akaipoipoia ra, teia taku tuatua, 1 Kori 7:12,25,40kare ra taku, na te Atu ra, Mala 2:14,16; Mata 5:32; 19:6,9; Mare 10:11,12; Luka 16:18Eiaa te vaine e akataka ke i tana tane.

11(Kia akataka ke ra aia, e noo ua aia auraka e akaipoipo, e kia akaongiia aia e tana tane:) e eiaa te tane e tuku ke atu i tana vaine.

12Kareka tetai papaki, ko au teia e tuatua nei, 1 Kori 7:6kare te Atu: E vaine akarongo kore ta tetai taeake, e i tika i taua vaine ra kia noo rai kiaia, auraka aia e tuku ke atu iaia.

13E e tane akarongo kore ta tetai vaine ra, e i tika i taua tane ra kia noo rai kiaia, eiaa aia e tuku ke atu iaia.

14Kua tapu oki taua tane akarongo kore ra i te vaine, e kua tapu te vaine akarongo kore i te tane: Mala 2:15naringa kare ra, kua noa ta kotou tamariki; i teianei ra, kua tapu ïa.

15Kia aere ke ra tei kore i akarongo ra, aere ua atu ïa: kare te taeake e te tuaine e ii i te reira. Roma 12:18; 14:19; 1 Kori 14:33; Ebe 12:14Kua akonoia ra tatou e te Atua, ei au ta tatou.

16Eaa oki koe e kite ei, e maine e, 1 Pete 3:1kare taau tane e ora ia koe? e eaa oki koe e kite ei, e tama e, kare taau vaine e ora ia koe?

17Ko ta te Atua ra i oronga ki te tangata ravarai, e to te tangata ravarai tu i te kapiki angaia e te Atu ra, e pera aia. 1 Kori 4:17; 2 Kori 11:28Ko taku ïa tuatua i te au ekalesia katoa ra.

18I kapikiia aina tetai tangata peritomeia ra? auraka aia e riro ei peritome kore. I kapikiia aina tetai tangata peritome koreia? Anga 15:1,5,19,24,28; Gala 5:2auraka aia e peritomeia.

19Gala 5:6; 6:15Kare o te peritome, kare oki o te peritome kore, Ioa 15:14; 1 Ioa 2:3; 3:24tei te akono ra i te au akauenga a te Atua.

20Kia noo rai te tangata ravarai ma te taoonga i kapikiiaʼi aia ra.

21E tavini aina koe i kapikiia ra? auraka e akono i te reira: kia rauka ra ia koe te rangatira ra, ko te reira ra ïa.

22Ko te tavini oki i kapikiia e te Atu ra, Ioa 8:36; Roma 6:18,22; Phile 16ko to te Atu ïa tangata rangatira: koia katoa te tangata rangatira i kapikiia ra, 1 Kori 9:21; Gala 5:13; Ephe 6:6; 1 Pete 2:16ko te tavini ïa no te Mesia.

231 Kori 6:20; 1 Pete 1:18,19; Levi 25:42Kua okoia kotou i te oko; auraka kotou e riro ei tavini no te tangata.

24E te au taeake, 1 Kori 7:20kia vai rai te tangata katoa ki mua i te aroaro o te Atua, ma tona tu i kapikiiaʼi aia ra.

25E teianei, to te tamaine paretenia ra 1 Kori 7:6,10,40; 2 Kori 8:8,10kare aku tuatua no ko i te Atu ra: e tuku ra au i toku manako, 1 Timo 1:16i to te tangata i rauka te aroa i te Atu ra 1 Kori 4:2; 1 Timo 1:12kia akono i te tuatua-mou.

26Te manako nei au ko teia te mea meitaki i teianei tuatau tumatetenga; 1 Kori 7:1,8te tangata noo ua ra, kua oti ua atura aia i reira.

27Kua topiriia koe ki te vaine? eiaa e kimi i te matara: kua matara koe i te vaine? eiaa e kimi i te vaine.

28Kare ra koe e ara kia akaipoipo; e kia akaipoipo oki te tamaine paretenia ra, kare ana e ara. E pekapeka ra to te reira i te kopapa nei; e akaperepere ra au ia kotou.

29Roma 13:11; 1 Pete 4:7; 2 Pete 3:8,9Teia ra taku tuatua, e te au taeake, te poto nei te tuatau. E tau i te aronga e vaine ta ratou ra, kia riro mei te mea e kare;

30E te aronga i aue ra, mei te mea kare i aue; e te aronga i rekareka ra, mei te mea e kare i rekareka; e te aronga i oko ra, mei te mea e kare a ratou;

31E te aronga i rave i to teianei ao ra, 1 Kori 9:18mei te mea e kare i rave; Sala 39:6; Iako 1:10; 4:14; 1 Pete 1:24; 4:7; 1 Ioa 2:17te ngaro ke nei oki te tu o teianei ao.

32Te inangaro nei ra au e, eiaa to kotou ei pekapeka anga. 1 Timo 5:5Te tangata kare i akaipoipoia ra, Luka 10:40&cte akono ra ïa i ta te Atu, i te mea e marekaʼi te Atu:

33Kareka tei akaipoipoia ra, te akono ra ïa i te au mea o teianei ao, i te mea e marekaʼi tana vaine.

34E tu ke katoa to te vaine noo tane e te tamaine paretenia. Te vaine akaipoipo koreia ra, te akono ra ïa i ta te Atu, kia meitaki aia i te kopapa e te vaerua katoa: kareka te vaine i akaipoipoia ra, te akono ra ïa i te au mea o teianei ao, i te mea e marekaʼi tana tane.

35Kia meitaki kotou i karanga atu ei au i teianei tuatua; kare ra mei te mea te titiri atu nei au i te nati ki rungao ia kotou, no te mea ra e tuatua tau, e kia akono kotou i ta te Atu ma te iroirongata kore.

36Te manako ra tetai tangata e te apa ra tana tuatua i tana tamaine paretenia, kia pakari aia, e e akaipoipo e tikaʼi, ka rave aia i tona anoano, kare aia e ara; ka akaipoipo ïa.

37Te tangata ra i maroiroi tona ngakau, e e tau iaia te kore, te tika ra iaia i te tāpu i tona inangaro, e kua manako marie ki roto i tona ngakau e, e tāpu aia i tana tamaine paretenia, e mea tika ïa.

38Ebe 13:4E teianei, ko tei oronga kia akaipoipoia, e tuatua meitaki tana; ko tei kore ra i oronga kia akaipoipoia, e tuatua meitaki roa tana.

39Roma 7:2Kua tāpuia te vaine e te ture i te ora anga o te tane ra; kia mate ra tana tane, kua matara aia kia akaipoipo ki tana i anoano ra, kia 2 Kori 6:14tau ra i te Atu.

40E meitaki maata ra tona 1 Kori 7:25i toku nei manako kia noo ua aia: 1 Tesa 4:8e te manako nei au e tei iaku rai te Vaerua o te Atua.