2 Ariki 1 - Cook Islands Maori Bible(CIMB)

PENE I - 1Te kaitamaki o Moabi. Te tuatua ia Ahazia ariki no Iseraela. Te ravenga mana a Elia.

1 Baala-zebuba i te atua no 1 Samu 5:10Ekerona, i toku ora anga i teianei maki.

3Kua tuatua maira te Angela a Iehova kia Elia i Tisibi, Ka tu, e aere kia aravei atu i te au karere a te ariki o Samaria, ka karanga atu ei kia ratou, No te mea kare e Atua i Iseraela nei, i aere ei kotou e ui ei ki te atua no Ekerona kia Baala-zebuba?

4E teianei, te na ko mairā Iehova, Kare koe e eke mai ki raro i tenana roi taau e moe ra, ka mate tikai ra koe. Aere aturā Elia.

5Kua oki anake maira nga karere kiaia ra, kua ui atura aia kia ratou,

6Eaa kotou i oki mai ei? Kua tuatua maira ratou kiaia, E tangata tei aravei mai ia matou, e kua tuatua mai kia matou, Ka aere, ka oki atu ki te ariki ki tei tono mai ia kotou na, ka karanga atu ei kiaia, Te na ko mairā Iehova, No te mea kare e Atua i Iseraela nei, i tono ei koe i te au karere e ui ki te atua o Ekerona kia Baala-zebuba? E tenana, kare koe e eke mai ki raro i tenana roi taau e moe na, ka mate tikai ra koe.

7Kua ui atura aia kia ratou, Eaa te tu o taua tangata i aere mai e aravei ia kotou na, tei tuatua mai oki kia kotou i taua au tuatua ra.

8Kua tuatua maira ratou kiaia, Zeka 13:4; Mata 3:4E tangata uruuru aia, e kua tatuaia tona taukupu ki te tatua kiri puaka. Kua tuatua maira aia, Ko Elia i Tisibi.

9Kua tono akera aia i tetai rangatira rima ngauru, e tona pupu rima ngauru ra. Kua aere atura aia kiaia ra: e i na, te noo ra aia ki runga i te take maunga ra. Kua karanga atura aia kiaia, E te tangata no te Atua e, te tuatua maira te ariki, E eke mai ana koe ki raro.

10Kua tuatua mairā Elia, e kua na ko maira ki taua rangatira rima ngauru ra, E tangata au no te Atua ra, Luka 9:54ka riro i te topa mai te ai no runga i te rangi, pou iora koe e to rima ngauru ra. Kua topa maira te ai no te rangi mai, pou iora aia e tona rima ngauru ra.

11Kua tono akaou atura aia i tetai rangatira rima ngauru, e tona pupu rima ngauru ra. Kua karanga atura aia kiaia, na ko atura, E te tangata o te Atua ra, te tuatua maira te ariki, E eke vave mai koe ki raro nei.

12Kua tuatua mairā Elia kia ratou, na ko maira, E tangata au no te Atua ra, e riro i te topa mai te ai no te rangi mai, pou iora koe e to rima ngauru ra. Kua topa maira te ai a te Atua no te rangi mai, pou iora aia e tona rima ngauru ra.

13Kua tono akaou atu rai aia i te toru o te rangatira rima ngauru, e tona pupu rima ngauru ra. Kua aere atura te toru o te rangatira rima ngauru ra ki runga, kua aere oki, kua tuku i te turi ki raro ki mua ia Elia ra, kua akateni atura iaia, e kua karanga atura kiaia, E te tangata no te Atua ra, teia taku tuatua kia koe, 1 Samu 26:21; Sala 72:14kia ora au, e teianei rima ngauru, i to au tavini nei, ia koe:

14I na, kua topa mai oki te ai no te rangi mai, e pou iora nga rangatira rima ngauru ra, to tetai e to tetai, e nga rima ngauru katoa ra: e teianei kia ora au ia koe.

15Kua tuatua maira te Angela a Iehova kia Elia, E aere katoa ki raro: auraka e mataku iaia. Kua tu akera aia ki runga, aere atura ma ia katoa ki raro ki te ariki ra.

16Kua karanga atura aia kiaia, Te na ko mairā Iehova, No te mea kua tono koe i te au karere e ui ki te atua no Ekerona kia Baala-zebuba, kare ainei no te kore e Atua i Iseraela nei kia ui koe i tana tuatua? e tenana, kare koe e eke mai i tenana roi taau e moe na, ka mate tikai ra koe.

17Mate iora oki aia, mei te tuatua a Iehova ta Elia i tuatua maira. E no te mea kare ana tamaiti, riro akera te au kia Iehorama ra, i te rua o te mataiti o Iehorama te tamaiti a Iehosaphata ariki no Iuda.

18E te toenga o te tuatua ia Ahazia ra, te au mea tana i rave ra, kare ainei kua tataia ïa ki roto i te buka, te tuatua no te au rā o te ui ariki o Iseraela ra?