1 Paraleipomeno 27 - Cook Islands Maori Bible(CIMB)

PENE XXVII - 27Te au rangatira o te nuku ra, e te aronga mamaata o te au kopu ra, e to runga i te au mea katoa a te ariki uaorai a Davida.

1KO te tamariki a Iseraela i tatauia ra, te aronga mataiapo tutara e te au rangatira o te au tausani, e no te au anere, e to ratou aronga rangatira tei rave i te angaanga a te ariki ra i te au pupu; ko tei aere mai ma te akono i te marama, e kua aere ki vao ma te akono i te marama e ope rava akera te au marama katoa o te mataiti nei, okotai pupu ra, okotai takau ïa ma a i te tausani.

2To runga i te pupu mua ra, e te marama mua, ko Akamata iorā Ioaba te tamaiti a Zeruia i te tatau, kare ra i akaoti, 2 Samu 24:15; 1 Para 21:7no te mea kua rokoia iora Iseraela e te riri i te reira; kare taua tataunga i tataia ki roto i te tuatua no te au rā a te ariki ra a Davida.

25E tei runga i te apinga a te ariki ra, ko Azamaveta ïa te tamaiti a Adiela: e tei runga i te au are vairanga apinga i roto i te kainga ra, i roto i te au oire, e te au vila, e i roto i te au punanga ra, ko Ionatana ïa te tamaiti a Uzia:

26E to runga i te angaanga i te kainga ko tei kenu i te one ra, ko Ezeri ïa te tamaiti a Keluba:

27To runga i te au kainga vine ra, ko Simei ïa i Rama: kareka to runga i tei roto i te au kainga vine ra, i roto i te vairanga wina ra, ko Zabadi ia i Siphimi.

28E to runga i te au rakau olive e te au sukamino i te ngai mataataa ra, ko Baala-hanana ïa i Gedera: e to runga i te au vairanga inu ra, ko Ioasa ïa.

29E to runga i te au puakatoro i angaiia i Sarona, ko Sitaria ïa i Sarona: e to runga i te au puakatoro i te au o, ko Saphata ïa te tamaiti a Adelai:

30To runga i te au kamela ra, ko Obili ïa e ngati Isemaela: e to runga i te au asini ra, ko Iehedeia ïa i Meronota:

31E to runga i te au mamoe ra, ko Iaziza ïa i Hagari ra. E aronga rangatira anake taua aronga nei no te apinga a te ariki ra a Davida.

32E tetai metua o Davida ra ko Ionatana, e tumu korero pakari ïa, e tata tuatua oki: e ko Iehiela te tamaiti a Hakemoni, tei iaia nga tamariki a te ariki ra.

33E ko 2 Samu 15:12Ahitophela ko te tumu korero ïa i te ariki: e ko 2 Samu 15:37; 1 Para 16:16Husai i Araki, e oa ïa no te ariki:

34E muri akera ia Ahitophela, ko Iehoiada ïa te tamaiti a Benaia, e 1 Ari 1:7ko Abiatara: e te rangatira o te nuku o te ariki ra, ko 1 Para 11:6Ioaba ïa.