Exodo 39 - Cook Islands Maori Bible(CIMB)

PENE XXXIX - 39Te au kakau i angaia no te rave anga i te taoonga i roto i te ngai-tapu ra, te tiputa, te pona roroa, te piriaro, te pare, e te tatua, Kua akameitakiia e Mose.

1Anga iora ratou i te kakau Exo 31:10; 35:19taoonga, i te kakau Exo 35:23kerekere ra, e te purapura, e te muramura, ei rave anga i te taoonga i te ngai-tapu ra, e kua anga ratou i te kakau tapu no Aarona: Exo 28:4ta Iehova i akaue mai kia Mose ra.

2Exo 28:6E kua anga oki aia i te tiputa i te auro, te kerekere, e te purapura, e te muramura, e te orongā i taviriia ra.

3E tupaki iora ratou i te auro e pararauare atura e te angiangi, e kotikoti iora ei kikau, no te angaanga a te taunga karape, ei kairo aere ki te kerekere, e te purapura, e te muramura, e te orongā.

4Kua tui iora ratou i te tapoki-pakuivi no taua tiputa ra, kia tupaupau katoaia atu: tei nga tapa te tupaupau anga.

5E te tatua manea i rungao i mou ei te tiputa okotai rai ïa apinga i te anga angaia, e auro rai, e te mea kerekere, e te purapura, e te muramura, e te orongā i taviriia ra; ta Iehova i akaue mai kia Mose ra.

6 Exo 28:9 Akamou iora oki ratou i nga toka sema ki roto i te āriki auro ra, nga toka i kokotiia te ingoa o te tamariki na Iseraela ki rungao ra, mei te kokoti sigilo ra.

7Tuku iora aia i te reira i rungao i nga tapoki-pakuivi o te tiputa, Exo 28:12ei toka manakoanga no te tamariki a Iseraela; ta Iehova i akaue mai kia Mose ra.

8 Exo 28:15 Anga iora aia i te tapoki-umauma e angaanga na te taunga karape ra, mei te rave i te tiputa ra; i te auro, te kerekere, e te purapura, e te muramura, e te orongā i taviriia ra.

9E mea tua rua, e kua aite nga aro e a o te tapoki-umauma ta ratou i anga: okotai angaonu te roa, okotai oki angaonu te pararauare, e mea tua rua ïa.

10Exo 28:17&cAkamou iora oki ratou i nga toka ki roto e a tupāti: tei mua tupāti, e saradio ïa, e te topazi, e te bereketa.

11E te rua o te tupāti ra, e emeradino ïa, e te saphiro, e te ieloma.

12E te toru o te tupāti ra, e uakini ïa, e te sebu, e te ametusi.

13E te a o te tupāti ra, e berulo ïa, e te sema, e te iasepe: tamouia ïa ki roto i te āriki auro i to ratou akamouanga.

14Okotai ngauru ma rua rai nga toka ra, kua tau ki te au ingoa o te tamariki a Iseraela; e i kokotiia to ratou au ingoa mei te kokoti sigilo ra, ko te toka ko te ingoa, e tau akera i te au kopu tino ngauru ma rua ra.

15Anga iora ratou i nga pirianganaoa auro meitaki koviriviri i nga poo o taua tapoki-umauma ra.

16Anga iora oki ratou i e rua āriki auro, e e rua oki tātai auro, e tuku iora ratou i nga tātai ki nga poo e rua i taua tapoki-umauma ra.

17E kua momono akera ratou i nga pirianganaoa auro koviriviri e rua na roto i nga tātai e rua, ki nga poo i taua tapoki-umauma ra.

18E nga openga i taua nga pirianganaoa koviriviri ra, akamouia iora e ratou ki nga āriki e rua ra, e topiri atura ki nga tapoki-pakuivi o te tiputa i te pae ki mua ra.

19Anga iora oki ratou i e rua tātai auro, tuku iora ki nga tapa i taua tapoki-umauma ra, i te tapa i roto, i tei piri ki te tiputa ra.

20Anga iora oki ratou i e rua rai tātai auro, e akamou iora ki nga tapoki-pakuivi o te tiputa i raro ra, i te pae ki mua ra, i vaitata i te ngai i topiriia, ki runga i te tatua manea o te tiputa ra.

21E tākai iora ratou i nga tātai o te tapoki-umauma ra, ki nga tātai o te tiputa ki tetai tākai kerekere, kia piri te tapoki-umauma ki te tatua manea o te tiputa, kia kore te tapoki-umauma e taka ke i te tiputa, ta Iehova i akaue mai kia Mose ra.

22 Exo 28:31 Anga iora aia i te pona-roroa i raro ake i te tiputa, e mea rarangaia, e te kerekere e pini ua ake.

23E rua tei rotopu i taua pona roroa ra, mei te rua kakau-tamaki ra, e i avereia te tapa o te rua ra, kia kore e ngae.

24Kua tui iora oki ratou i te remuna na runga i te tapa o taua pona-roroa ra, ki te ao kerekere, e te purapura, e te muramura, e te orongā i taviriia ra.

25Kua anga iora oki ratou i te Exo 28:32ove auro meitaki, e kua akamou iora i taua au ove ra ki roto i te va remuna, na runga i te tapa o te pona-roroa, na roto i te va o te au remuna e pini ua ake;

26Okotai ove okotai remuna; okotai ove okotai remuna, na te tapa o taua pona roroa ra e pini ua ake, kia rave i te taoonga ra; ta Iehova i akaue mai kia Mose ra.

27 Exo 28:39,40 Anga iora oki ratou i te piriaro orongā, e mea rarangaia, no Aarona, e nga tamariki nana ra.

28Exo 28:4,39; Eze 44:18E te pare orongā e te pare orongā manea ra, e Exo 28:42te piripou orongā i taviriia ra,

29E Exo 28:39te tatua orongā i taviriia, i akamaneaia ki te mea kerekere, e te purapura, e te muramura; ta Iehova i akaue mai kia Mose ra.

30 Exo 28:36,37 Kua anga katoa oki ratou i te tarae no te korona tapu ra, i te auro meitaki ra, tata iora ratou ki rungao, mei te tuatua i kokotiia ki runga i te sigilo ra, KIA TAPU TO IEHOVA.

31Kua tākai iora ratou i te tai tākai kerekere i rungao, ei tamou anga ki runga i te pare i te pae ki runga ra; ta Iehova i akaue mai kia Mose ra.

32Oti rava akera taua angaanga puakapa ra, i te Are uipaanga ra; kua rave oki te tamariki a Iseraela i te au mea ravarai Exo 39:42,43; 25:40ta Iehova i akaue mai kia Mose ra; kua akapera rai ratou.

33Kua apai ratou i te puakapa kia Mose; te are, e te au mea ravarai no te reira, te au tapeka ra, te au tapaanga rakau ra, te au tea ra, e te au pou ra, e te au turanga,

34E te tapoki kiri mamoe i rapakau muramuraia ra, e te tapoki kiri tutu ra, e te paruru ei arai,

35Te aruna kite ra, e nga amo katoa, e te tapoki,

36Te kaingakai, e te au mea ravarai no te reira, e te areto o te aroaro ra,

37Te vairanga lamepa auro meitaki, e tona au lamepa, i te au lamepa akanoo meitakiia ra, e te au mea ravarai no te reira ra, e te mori ei akamārama,

38E te atarau auro ra, e te manongi akatainu ra, e te atinga kakara ra, e te paruru no te ngutupa Are ra,

39Te atarau veo ra, e tona paata veo, nga amo ra, e te au mea ravarai no te reira, te āriki-vai e tona vaevae,

40Te au paruru paepae te au pou, e te au turanga, e te au paruru no te ngutupa paepae ra, te au taura, e te au titi, e te au mea katoa no te angaanga puakapa, no te Are uipaanga ra,

41E te au kakau taoonga ei rave i te taoonga i roto i te ngai-tapu ra, te au kakau tapu no te taunga ra no Aarona, e te au kakau no nga tamariki nana, kia rave i te taoonga taunga ra.

42Te au mea ravarai ta Iehova i akaue mai kia Mose ra, ta te tamariki a Iseraela ïa i rave Exo 35:10e oti rava akera te au angaanga ra.

43E kia akara akerā Mose i taua angaanga katoa ra, i na, kua oti roa i te raveia e ratou, ta Iehova i tuatua maira, i akaperaia ïa e ratou i te rave, e kua Levi 9:22,23; Nume 6:23; Iosu 22:6; 2 Samu 6:18; 1 Ari 8:14; 2 Para 30:27akaorā maira Mose ia ratou.