1E KUA oki rua maira te tuatua a Iehova kia Iona, na ko maira,
2Ka tu, ka aere ki taua oire maata ra ki Nineve, ka tutu aere ei ki reira i te tuatua taku e karanga atu kia koe na.
3Kua tu akerā Iona ki runga, aere atura ki Nineve, i ta Iehova i tuatua maira. E oire maata oki Nineve ki mua i te Atua, po toru te aereanga e pini ei.
4Kua akamata aturā Iona i te aere na roto i taua oire ra, po tai akera i te aere anga; Deu 18:22kua tutu aere aia, na ko atura, E rua takau rā toe e uritumuiaʼi Nineve.
5 Mata 12:41; Luka 11:32 Kua akatika atura te au tangata o Nineve i ta te Atua; e kua tuku atura i te akakore anga i te kai, kua kakau atura i te kakau paoa, mei tei maata i o ratou e tae rava atu ki tei mea ngiti i o ratou.
6Kua tae oki taua tuatua ra ki te ariki o Nineve, e kua tu akera aia mei runga i tona terono, kua kopae atura i tona uaorai kakau, e kua tapoki iora iaia uaorai ki te kakau paoa, Iobu 2:8e kua noo iora ki raro i te reu.
72 Para 20:3; Ioela 2:15E tutuia akera te tuatua ki Nineve katoatoa ra, i te akaue a te ariki e tona ra au tangata nunui, i te na ko anga, Auraka rava te tangata e te puaka katoa, te anana puakatoro e te anana mamoe, e tongi ua ake i te kai; auraka e kaikai, auraka oki e inu vai.
8Kia tapokiia te tangata e te puaka katoa ki te kakau paoa, e kapiki nui atu oki ki te Atua, Isa 58:6ka ariu ke mai ei ratou ravarai Isa 59:6i tona ra aerenga kino, e te takinga-kino o to ratou rima.
92 Samu 12:22; Ioela 2:14Peneiake ko te ariu te Atua, e ko te tataraara, ka ariu ke ei i te otooto anga o tona riri, kia kore tatou e mate.
10 Iere 18:8; Amo 7:3,6 Kua akara maira te Atua i ta ratou angaanga e, kua ariu ke ratou i to ratou aereanga kino, e kua tataraara iora te Atua i te kino tana i karanga ra e tuku mai ki runga ia ratou, e kare akera aia i tuku mai.
Who We AreWhat We EelieveWhat We Do
2025 by iamachristian.org,Inc All rights reserved.