Ezekiela 17 - Cook Islands Maori Bible(CIMB)

PENE XVII - 17Te maseli no nga aeto e rua e te vine i akakiteia nei.

1 KUA tae maira oki te tuatua a Iehova kiaku nei, na ko maira,

2E te tamaiti a te tangata na, ka tuku ana i tetai piri, e ka tuatua i tetai maseli, ki te ngutuare ra ia Iseraela;

3Ka karanga atu ei, Te na ko maira te Atu ra ko Iehova; Eze 12&cTetai aeto maata, ma nga peau maata, uruuru roroa, e te ki oki i te uruuru, e manganui te tu, tei aere mai ki Lebanona, 2 Ari 24:12e kua rave oki i te rara teitei roa o te arezi:

4Kua tope oki aia i te kauru o to reira au rara tupu ou ra, e kua apai atura ki te enua oko ra; tuku iora aia i te reira ki roto i te oire o te aronga oko ra.

5Kua rave iora oki aia i tetai kopura no taua enua ra, e kua tanu iora Deu 8:7,8,9ki roto i te kainga uua ra; kua tuku iora aia ki vaitatao i te vai maata ra, kua tanu Isa 44:4a rakau akaevaeva ua ra.

6Tupu atura, riro akera ei vine Eze 17:14akaaka toro aere ua ra, tei toro mai tona au rara kiaia ra, e tona au aka tei raro ake iaia: riro atura ei vine, e kua tupu tona au rara, e kao akera te kata.

7E te vai atura tetai aeto maata, ma te peau maata, e te uruuru e manganui: e i ua, Eze 17:15kua ariu atura taua vine nei i tona au aka kiaia ra, e toro atura tona au rara kiaia, kia tamauu aia i te reira na te ruarua o to reira tanumanga ra.

8I tanumia ki te ngai one meitaki ra, ki te pae o te vai maata ra, kia toro oki te au rara, e kia ua oki te ua ra, kia riro oki ei vine meitaki ra.

9E karanga atu koe, Te na ko maira te Atu ra ko Iehova; Ka manuia ainei? 2 Ari 25:7Kare ainei e kiriti tumuia tona au aka, ka kokoti ke atu ei i tona ua, kia mae atura? ko te rau tupu ou nona ra te ka mae, kare ra e raveia e te rima ririnui, e kare ra e rainga te tangata, kia kiriti tumuia.

10E i na, tanu oti ïa, ka tupu ainei? Eze 19:12; Hose 13:15kare ainei e mae takiri, kia akatukia uaia ake e te maoake ra? ka mae rai i tona uaorai ruarua i tupu ei ra.

11Kua tae maira oki te tuatua a Iehova kiaku nei, na ko maira,

12Ka karanga atu ki tenana Eze 2:5; 12:9ngutuare meameaau ra, Kare ainei kotou i kite i teia? e karanga atu kia ratou, I na, kua tae mai te Eze 17:3; 2 Ari 24:11-16ariki o Babulonia ki Ierusalema nei, e kua rave aia i tona ariki, e tona ui ariki katoa, e kua riro katoa ratou ma ia ki Babulonia;

132 Ari 24:17E kua rave akera i te uanga o te ariki ra, e kua papau i te koreromotu iaia ra, 2 Para 36:13e kua akataputou atura iaia ra: kua rave katoa oki aia i te aronga tutara o te enua nei;

14Kia riro taua basileia nei Eze 17:6; 29:14i te akaaka rava, kia kore e tika kia akateitei, kia mou marie ra i te akono anga i te koreromotu nana ra.

152 Ari 24:20; 2 Para 36:13Kua meameaau ra aia kiaia, i te tono anga i tana au karere ki Aiphiti, Deu 17:15; Isa 31:1,3; 36:6,9kia oronga mai ratou i te au oroenua e te tangata e manganui nona. Eze 17:9E manuia ainei tana? e ora ainei aia ko tei akapera ra? e akaatikau ainei oki aia i taua koreromotu ra, e kia ora atu?

16Te tuatua maira te Atu ra ko Iehova, Te ora nei au ra, Iere 32:5; 34:5; 52:11; Eze 12:13ei te ngai tikai i nooia e te ariki, ko tei akariro iaia ei ariki ra, nana te taputou i akavaavaaia e ia ra, e nana te koreromotu i akaatikauia e ia ra, ei iaia rai ei rotopu ia Babulonia aia e mate ei.

17Iere 37:7Kare oki aia e manuia ia Pharao, e tana nuku ririnui, e te urupu maata, i te tamaki anga, Iere 52:4; Eze 4:2i te āū anga i te ngai teitei ki runga, e te patu anga i te punanga, kia pou te tangata e manganui ra:

18No te mea kua akavaavaa aia i te taputou i te akaatikau anga i te koreromotu, e i na, 1 Para 29:24; Aue 5:6kua oronga aia i tona rima, e kua rave oki aia i taua au mea katoa nei, kare oki aia e ora.

19E teianei, te na ko maira te Atu ra ko Iehova; Te ora nei au, taua taputou naku tana i akavaavaa ra, e taku koreromotu tana i akaatikau ra, e tutaki atu ïa au i te reira ki runga i tona uaorai mimiti.

20Eze 12:13; 32:3E oora au i taku kupenga ki runga iaia, e e mou aia ki roto i taku ereere, e naku aia e arataki ki Babulonia, e ei reira au e Eze 20:36māro atu ei iaia i tana ara i rave iaku nei.

21E Eze 12:14te aronga ati katoa nona ra, e te au takanava katoa nona ra, e inga ïa i te koke; e te aronga i toe ra, e akapueurikirikiia ïa ki nga matangi katoa ra: e kite oki kotou e ko au teia ko Iehova e tuatua nei.

22Te na ko maira te Atu ra ko Iehova; E rave katoa au i to runga i te Isa 11:1; Iere 23:5; Zeka 3:8rara teitei, i te arezi teitei ra, ka tanu ei; e tope oki au i te kauru o tona ra au rara ou, Isa 53:2i tei paruparu ra, Sala 2:6ka tanu ei ki runga i tetai maunga teitei e te roa.

23Isa 2:2,3; Eze 20:40; Mika 4:1Ki runga i tetai maunga teitei i Iseraela nei au tanu ei i te reira; e e tupu tona au rara, e ua oki te ua i rungao, e riro oki ei arezi meitaki: Eze 31:6; Dani 4:12e noo oki te au manu peau tu ke ke ravarai nei ki raro ake; ei roto i te marumaru o tona ra au rara ratou noo ei.

24E kite oki te au rakau ravarai o te kainga ra e, naku, na Iehova Luka 1:52i tuku akaaka i te rakau teitei, e kua akateitei i te rakau akaaka, e kua akamarō i te rakau mata, e kua akaruperupe i te rakau marō: Eze 22:14; 24:14naku, na Iehova i tuatua na, e naku e rave.