Deuteronomi 14 - Cook Islands Maori Bible(CIMB)

PENE XIV - 14Te au kai e tikaʼi kia kai, e te kore e tika kia kai ra. Te ture no te ngauruanga.

1E zabi, e te kemura, e te puaka-nio taetaevao, e te disona, e te teo, e te zemera.

6E te au puaka maikuku ngaa katoa, e ngaa rua te maikuku ra, e tei tamaru i te kai, i roto i te au puaka ra, e tika ïa ia kotou kia kai.

7Teia ra ta kotou e kore e kai no roto i tei tamaru i te kai ra, e tei ngaa te maikuku ra: ko te kamela, e te aranebeta, e te saiphana; e tamaru ua oki te reira i te kai, kare ra i ngaa te maikuku ra: ei mea viivii oki te reira ia kotou.

8Koia oki te puaka-maori, ngaa ua tona maikuku, koia ra kare i tamaru i te kai, ei mea viivii te reira ia kotou: auraka rava kotou e kai i te kiko o te reira, Teia ra te kore e tika ia kotou kia kai ra: ko te aeto, e te peresa, e te ozeni,

13E te raa, e te aie, e te daa, i to ratou tu,

14E te orebi, i to ratou tu,

15E te ione, e te takemesa, e te sakapha, e te neza, i to ratou tu,

16E te kusa, e te ianesupha, e te tenesemata,

17E te kate, e te rakama, e te salaka,

18E te kasida, e te kotuku, i to ratou tu, e te dukipata, e te moa kirikiri.

19Levi 11:20E te au mea rere katoa e totoro aere ra ei mea viivii ïa ia kotou; Levi 11:21auraka te reira e keingaia.

20Kareka te au manu viivii kore katoa ra, e kai ïa kotou i te reira.

21 Levi 17:15; 22:8; Eze 4:14 Auraka kotou e kai i te mea mate ua ra; e apai koe i te reira na te tangata ke i noo i o ou ra, e nana e kai; e tika oki ia koe kia oko i taua mea ra ki te tangata ke; kareka koe ra, Deu 14:2e iti-tangata tapu ïa no to Atua ra no Iehova. Exo 23:19; 34:26Auraka koe e tunu i te punua puakanio i te u o tona tinana.

22 Levi 27:30; Deu 12:6,17; Nehe 10:37 Ei ngauruanga taau e oronga i tei tupu i te enua i taau katoa ra ua i tanu, i tera mataiti, i tera mataiti.

23E te ngauruanga no taau ra sitona, no taau ra wina, e no taau ra inu, Deu 15:19,20e te anaunga mua i to au puakatoro, e to au mamoe, Deu 12:5,6,7,17,18e kai koe i te reira ki mua i te aroaro o to Atua ra o Iehova, i te ngai tana e akono ei vairanga no tona ra ingoa; kia apii koe, e kia mataku i toou Atua ra ia Iehova i te au rā katoa ra.

24Deu 12:21Kia mamao ra ia koe taau ngai i akonoia e to Atua ra e Iehova ei vairanga no tona ra ingoa, e kare atura e tika ia koe kia apai i taau ngauruanga, i te mamao oki o taua ngai ra, kia akameitakiia koe e to Atua e Iehova ra;

25E akariro koe i taua mea ra ei moni i reira, ka rave ei i taua moni ra i to rima, ka aere ei ki te ngai i akonoia e to Atua ra e Iehova:

26Ka oko ei koe i te au mea katoa taau i anoano ra ki te moni, i te puakatoro ra, e te mamoe ra, e te wina ra, e te kava, e te au mea katoa atu taau e anoano ra; Deu 12:7,18; 26:11ka kai ei koe ki reira ki mua i te aroaro o to Atua ra o Iehova, e rekarekaʼi koe, ko koe, e to ngutuare ra:

27Deu 12:12,18,19E te ngati Levi i noo i o ou ra, auraka koe e akaruke iaia; Nume 18:20; Deu 18:1,2no te mea kare ana tuanga e te kainga i o ou ra.

28 Deu 26:12; Amo 4:4 E kia tae ki te openga o te toru o te mataiti, ka apai mai koe i te ngauruanga ravarai o taau ra apinga i tupu i te reira mataiti, ka akaputuputu ei i roto i toou ra are;

29E ka aere mai Deu 26:12te ngati Levi, Deu 14:27; 12:12no te mea kare ana tuanga e te kainga i o ou ra, e te tangata ke, e te matiroeroe, e te vaine takaua katoa i o ou ra, ka kai e kia merengo: Deu 15:10; Mase 3:9,10; Mala 3:10kia meitaki oki koe i to Atua ra ia Iehova i te au angaanga katoa ta to rima e rave na.