Ezekiela 13 - Cook Islands Maori Bible(CIMB)

PENE XIII - 13Te au peroveta pikikaa i akaapaia ra, te au peroveta vaine akarekareka ra.

1KUA tae maira oki te tuatua a Iehova kiaku nei, na ko maira,

2E te tamaiti a te tangata na, ka totou koe ki te au peroveta i Iseraela nei i tei totou ra, e karanga atu ki e aite to au peroveta ki te au suoli i te ngai motutaa ra.

5Sala 106:23,30; Eze 22:30Kare kotou i aere ki roto i te au ngai ngaa, kare oki i rave akaou i te koro, kia mou te ngutuare o Iseraela i te tamaki anga ra, i te rā o Iehova.

6Te Eze 13:23; 12:24; 22:28mea puapinga kore ta ratou i kite, e te totouanga pikikaa, i te na ko anga e, Te tuatua mairā Iehova, e kare oki a Iehova i tono ia ratou: e te akatupu ra ratou i te manako e, e tupu rai te tuatua.

7Kare ainei te orama puapinga kore ta kotou i kite ra, e te totouanga pikikaa ta kotou i tuatua ra, ta kotou oki i karanga ana e, Te tuatua mairā Iehova, e kare rai oki au i tuatua?

8E teianei te na ko maira te Atu ra ko Iehova; No te mea e tuatua puapinga kore ta kotou, e ko te pikikaa ta kotou i kite, e teianei, i na, kare au e tau ia kotou, te tuatua maira te Atu ra ko Iehova.

9E ka riro toku rima ki runga i te au peroveta i tei akara i te mea puapinga kore, e tei akatupu i te totouanga pikikaa: kare ratou e o ki roto i te uipa anga o toku nei au tangata, kare Ezera 2:39,62; Nehe 7:5; Sala 69:28oki ratou e tataia i roto i te tata anga a te ngutuare o Iseraela, kare oki ratou Eze 20:38e o ki te enua o Iseraela; Eze 11:10,12e kite oki kotou e ko te Atu ra au ko Iehova.

10No te mea, koia ïa, no te mea, kua pikikaa ratou i toku ra au tangata, i te na ko anga e, Iere 6:14; 8:11Ei au; e kare ua e au; e na tetai i patu i te patu, e i na, na tetai Eze 22:28i peî ki te ngaika kare i naneia ra:

11E karanga atu ki te aronga i peî ki te ngaika nane koreia ra, e topa ïa; Eze 38:22e riro i te ua a vai puke ïa; e ko kotou, e te au ua toka maata, e topa ïa; e ngaangaa ïa i te uriia.

12E i na, kia ngaangaa taua patu ra, kare ainei kotou e akaperaia mai e, Teiea iora te ngaika ta kotou i peî ra?

13E teianei, te na ko maira te Atu ra ko Iehova; E ngaangaa ïa iaku i te uriia i te riri otooto noku ra; e riro i te ua a vai puke ra i te riri noku ra, e te ua toka maata ma te riri otooto ra, kia pou rava.

14E naku e akangaangaa i te patu ta kotou i peî ki te ngaika nane koreia ra, e naku e tuku rava ki rara i te one, e kia kitea ua atu te tango ra; e ka topa ïa, e ko kotou te ka pou i rotopu iora: Eze 13:9,21,23; 14:8e kite oki kotou e ko Iehova au.

15E pera au i te akatupu i toku riri otooto ki runga i taua patu ra, e ki runga i te aronga tei peî ki te ngaika nane koreia ra, ka karanga atu ei kia kotou, Kua kore taua patu nei, e kua kore te aronga katoa i peî ra.

16Koia te au peroveta a Iseraela nei, Iere 6:14; 28:9e ko tei akara i te au orama au nona, e kare rava e au, te tuatua maira te Atu ra ko Iehova.

17Ka ariu katoa atu oki koe i to mata, e te tamaiti a te tangata na, Eze 20:46; 21:2ki te au tamaine a to tangata nei, Eze 13:2ki tei totou i ta to ratou uaorai ngakau; ka totou atu oki koe ia ratou;

18Ka karanga atu ei, Te na ko maira te Atu ra ko Iehova; E ae oki te au vaine i tui i te au urunga i raro ake i te au poo rima ravarai, e ko tei anga i te vaî upoko no te au tangata katoa, ei arumaki anga i te vaerua! E 2 Pete 2:14arumaki rai kotou i te vaerua o toku nei au tangata, e e akaora ainei kotou i te au vaerua ki o kotou na?

19E akaviivii ainei kotou iaku i rotopu i toku au tangata, i Mase 28:21; Mika 3:5te rima kerite okotai, e i te vavaanga manga ra, kia mate atu te au vaerua kare e tau te mate, e kia ora oki te au vaerua kare e tau ia ratou te ora, i ta kotou pikikaa anga i toku au tangata e akarongo i te pikikaa nei?

20E teianei, te na ko maira te Atu ra ko Iehova; I na, kare au e tau i ta kotou au urunga, ta kotou i arumaki ua ana i te au vaerua e rere maira, naku e aae i te reira i to kotou au poo rima, ka tuku atu ei i taua au vaerua ra, te au vaerua oki ta kotou i arumaki na e rere maira.

21E aae katoa oki au i to kotou au vaî, e kia ora mai toku au tangata i to kotou rima, kare oki ratou e vaooia i roto i to kotou rima kia arumakiia; Eze 13:9e kite oki kotou e ko Iehova au.

22No te mea, kua taitaia te ngakau o te aronga tuatua-tika ia kotou i te pikikaa, e tei kore i akataitaiaia e au ra; Iere 23:14e kua akaketaketa kotou i te rima o te aronga kino, kia kore aia e ariu mai i tona aerenga kino ra, i te tuatua anga e ka ora aia:

23E teianei, kare Eze 13:6&c; 12:24; Mika 3:6kotou e akara akaou i te au mea puapinga kore, e kare e rave i te totouanga: ka akaora oki au i toku au tangata i to kotou na rima: Eze 13:9; 14:8; 15:7ka kite oki kotou e ko Iehova au.