Iobu 34 - Cook Islands Maori Bible(CIMB)

PENE XXXIV - 34Te tapepe nei a Eliu ia Iobu, koia i karanga e, e tuatua tika kore ta te Atua.

1KUA tamou iorā Eliu i tana tuatua na ko akera,

2E akarongo mai i taku tuatua, e te aronga pakari e; e ko kotou oki, e te aronga kite, ariu mai i to kotou taringa iaku.

3Iobu 6:30; 12:11Ko te taringa oki tei timata i te tuatua, mei te vaa e tongi i te kai.

4Ka iki tatou i te tuatua-tau na tatou uaorai; kia kite tatou uaorai i tei meitaki.

5I tuatua ana oki a Iobu e, Iobu 33:9E tuatua tika taku: e Iobu 27:2kua akaruke te Atua i taku nei tuatua-tau:

6Iobu 9:17Ko taua tuatua-tau naku ra tei akariroia ei pikikaa: e puta ora kore toku, e kare e ara.

7Koai ïa tangata e aite kia Iobu, Iobu 15:16ko tei inu i te akavaavaa mei te vai ra?

8Te piri aere ra aia ki te aronga rave tuatua kino ra, e te aere ra ma te aronga akono kore i te Atua ra.

9Iobu 9:22,23,30; 35:3; Mata 3:14I tuatua ana oki aia e, Kare a te tangata nei e puapinga, akono oti aia i te Atua.

10E tenana, e akarongo mai kotou iaku, e te au tangata kite ra: Gene 18:25; Deu 32:4; 2 Para 19:7; Iobu 8:3; 36:23; Sala 92:15; Roma 9:14 kia atea ke atu te tuatua kino i te Atua; e te ara i te Mana katoatoa.

11Sala 62:12; Mase 24:12; Iere 32:19; Eze 33:20; Mata 16:27; Roma 2:6; 2 Kori 5:10; 1 Pete 1:17; Apo 22:12E tutaki atu oki aia i ta te tangata ra angaanga, e ei iaia e raukaʼi ta te tangata katoa ra kia tau ki tona ra aerenga.

12Kare takiri te Atua e rave i te tuatua-kino, e kare oki te Mana katoatoa Iobu 8:3e taruri ke i te tuatuatau.

13Koai tei poroki mai kiaia i te enua nei? koai tei akonokono i te ao katoa nei?

14Naringa tona ngakau i manako iaia, e tika ïa iaia i te Sala 104:29akaoki i tona vaerua e te aʼo nona kiaia uaorai;

15Gene 3:19; Kohe 12:7Ope roa ake ra te tangata katoa i te mate, e riro akaou atura te tangata ei one-pueu.

16Te kite ra koe i tenana, e akarongo mai i teia: e anga mai i to taringa ki te reo o taku nei tuatua.

17Gene 18:25; 2 Samu 23:3Ei iaia ainei te au i tei makitakita ki te tuatua-tika? e akaapa ainei koe iaia i tei tika maata roa ra?

18Exo 22:28Koai tei karanga atu ki te ariki ra, E kanga koe? e ki te ui ariki ra, E aronga kino kotou?

19Ka tanga atu ei kiaia Deu 10:17; 2 Para 19:7; Anga 10:34; Roma 2:11; Gala 2:6; Ephe 6:9; Kolo 3:25; 1 Pete 1:17tei kore e akono mai i te tu o te ui ariki, ko tei kore i maata i te akono i te aronga apinga nui, iti iora te aronga putaua? Iobu 31:15na tona uaorai rima oki i anga ia ratou ravarai.

20I te kamo anga mata e mate ei ratou, Exo 12:29,30i te turuaipo e ngaueue ei te tangata, e kare akera; e e riro ke atura te aronga mana, kare e rima.

212 Para 16:9; Iobu 31:4; Sala 34:15; Mase 5:21; 15:3; Iere 16:17; 32:19Tei runga oki i to te tangata nei au aerenga ona mata, e te akara maira aia i tona ra au takainga ravarai.

22Sala 139:12; Amo 9:2,3; Ebe 4:13Kare e poiri, kare e maru mate, ei pipini anga no te aronga rave tuatua kino ra.

23Kare oki aia i roa i te akamaara anga mai i te tangata nei, ka tae ei aia ki te akavaanga ma te Atua.

24Dani 2:21E akaungaungātiti aia i te aronga ririnui, kare e kimi anga, e e akateitei i tetai aronga ke ei tupau ia ratou.

25Kua kite oki aia i ta ratou angaanga, kua uriapaka ravaia ratou i te po ra, paîî iora ratou.

26No te mea e aronga kino ratou, kua ta aia ia ratou i te ngai i akaraia e te tangata;

271 Samu 15:11No te mea kua ariu ke ratou mei te aru anga iaia, Sala 28:5; Isa 5:12kare oki i manako i tona katoa ra au arataa:

28Iobu 35:9; Iako 5:4E kua tae rava maira te aue o te ao kiaia, Exo 22:23e kua akarongo aia i te aue o te aronga i tinaimateia ra.

29Kia akamaru maira aia ra, naai e akapekapeka? e kia puroku aia i tona mata, koai tei kite atu? i te enua katoa ra, e i te tangata okotai:

30Kia kore e riro te au ki te tangata kanga, 1 Ari 12:28,30; 2 Ari 21:9ko te taiiia aea te au tangata.

31E mea tika tikai oki kia karanga atu ki te Atua, Dani 9:7-14Kua akoia au, kare au e ara akaou:

32Ko tei kore i kitea e au ra, e apii mai koe iaku: i rave ana au i te kino ra, kare au e pera akaou.

33E akono ainei aia i taau ra i te tutaki anga mai, i te na ko anga e, Tei tika ia koe ra, e tei kore i tika, auraka taku uaorai? e tenana ka tuatua ana i taau i kite ra.

34Kia riro te au tangata kite i te tuatua mai iaku, e te tangata pakari i te akarongo mai iaku.

35Iobu 35:16I tuatua ua nā Iobu ma te kite kore, e mea pakari kore oki tana tuatua.

36Teia toku inangaro, kia timata tikaia ta Iobu e ope rava akera, koia i akatika mai i te tuatua a te au tangata kino.

37Kua kapiti oki aia i te meameaau ki tana ara, kua pokarakara aia i ona rima i rotopu ia tatou, e kua akamaata aia i tana tuatua ki te Atua.