Mapisarema 123 - Shona Bible 1949, revised 2002（SNA2002）

Tarirai kuna Jehovha, muvimbe nayeRwiyo rworwendo.

1Ndinosimudzira meso angu kwamuri,

Iyemi, munogara kudenga.

2Tarirai, meso avaranda sezvaanotarira

ruoko rwatenzi wavo,

Uye meso omurandakadzi sezvaanotarira

ruoko rwatenzikadzi wake;

Saizvozvo meso edu anotarira kuna Jehovha

Mwari wedu,

Kusvikira atinzwira nyasha.

3Tinzwirei nyasha, Jehovha,

tinzwirei nyasha;

Nokuti tapera kwazvo nokuzvidzwa.

4Mweya wedu wapera chose

Nokushora kwavanogara havo zvakanaka,

Uye noruzvidzo rwavanozvikudza.