Mapisarema 46 - Shona Bible 1949, revised 2002（SNA2002）

Mwari hutiziro hweduKumutungamiriri wokuimba; Pisarema ravanakomana vaKora; nomuimbirwo weAramoti. Rwiyo.

1Mwari ndiye utiziro hwedu nesimba redu,

Ndiye mubatsiri ari pedyo-pedyo

panguva dzokumanikidzwa.

2Saka hatingatyi, kunyange nyika ikashanduka,

Uye kunyange makomo akabviswa

akaiswa mukati mamakungwa;

3Kunyange mvura zhinji yawo

ikatinhira nokumutswa,

Kunyange makomo akadedera nokupupuma kwawo.

4Rwizi ruripo, rune hova dzinofadza guta raMwari,

Iyo nzvimbo tsvene yetabhenakeri

dzo Wokumusorosoro.

5Mwari ari mukati maro; haringazununguswi;

Mwari acharibatsira kana utonga hwotsvuka.

6Vahedheni vakaita bope, hushe hwakazununguswa;

Akataura nenzwi rake, nyika ikanyauka.

7Jehovha wehondo anesu;

Mwari waJakobho inhare yedu.

8Uyai muone mabasa aJehovha,

Zvishamiso zvaakaita panyika.

9Anogumisa kurwa kusvikira pakuguma kwenyika;

Anovhuna uta, nokuvhuna-vhuna pfumo;

Anopisa ngoro dzokurwa nomoto.

10“Nyararai, muzive kuti ndini Mwari;

Ndichava mukuru pakati pavahedheni,

ndichava mukuru panyika.”

11Jehovha wehondo anesu;

Mwari waJakobho inhare yedu.