Mapisarema 93 - Shona Bible 1949, revised 2002（SNA2002）

Jehovha ndiye Mambo mukuru

1Jehovha anobata ushe; akafuka umambo;

Jehovha akafuka simba,

akazvisunga chiuno naro;

Nyikawo yakateyiwa, haingazununguswi.

2Chigaro chenyu choushe chakasimbiswa kubva kare;

Imi muripo kubva pakusingaperi.

3Jehovha, nzizi dzakanzwisa.

Nzizi dzakanzwisa manzwi adzo;

Nzizi dzinonzwisa kutinhira kwadzo.

4Jehovha anokunda mazwi emvura zhinji,

Namafungu ane simba egungwa,

Jehovha, ari kumusoro, ndiye ane simba.

5Zvipupuriro zvenyu ndezvamazvokwadi kwazvo;

Utsvene unofanira imba yenyu,

Jehovha, nokusingaperi.