Hos 12 - Swahili Union Version Bible

1 2 Fal 17:4; Isa 30:6 Efraimu hujilisha upepo, na kuandamana na upepo wa mashariki; haachi kuongeza uongo na uharibifu; nao wafanya agano na Ashuru, na mafuta huchukuliwa kwenda Misri.

Uasi wa Muda Mrefu

2BWANA naye ana mateto na Yuda, naye atamwadhibu Yakobo kwa kadiri ya njia zake; kwa kadiri ya matendo yake atamlipa.

3 Mwa 25:26 Mwa 32:24-26 Tumboni alimshika ndugu yake kisigino;

Na alipokuwa mtu mzima alikuwa na uwezo kwa Mungu;

4 Mwa 28:10-22 Naam, alikuwa na uwezo juu ya malaika

Akashinda; alilia, na kumsihi;

Alimwona huko Betheli, naye akasema nasi huko;

5Naam, BWANA, Mungu wa majeshi;

BWANA ndilo kumbukumbu lake.

6Basi, mrudie Mungu wako; shika fadhili na hukumu; ukamngojee Mungu wako daima.

7Ni mchuuzi, mizani ya udanganyifu i mkononi mwake; anapenda kudhulumu.

8Naye Efraimu alisema, Kweli nimekuwa tajiri, nimejipatia mali nyingi; katika kazi zangu zote hawataona kwangu uovu wo wote uliokuwa dhambi.

9Law 23:42-43Lakini mimi ni BWANA, Mungu wako tangu ulipotoka katika nchi ya Misri; nitakukalisha tena katika hema, kama siku za karamu ya idi.

10Tena nimenena na hao manabii, nami nimeongeza maono, na kwa utumishi wa manabii nimetumia mifano.

11Amo 4:4Je! Gileadi ni uovu? Wamekuwa ubatili tu; huko Gilgali hutoa dhabihu za ng’ombe; naam, madhabahu zao zimekuwa kama chungu katika matuta ya mashamba.

12 Mwa 29:1-20 Na Yakobo alikimbia mpaka Padan-Aramu,

Na Israeli alitumika apate mke;

Ili apate mke alichunga kondoo.

13 Kut 12:50-51 Na kwa nabii BWANA alimtoa Israeli katika Misri,

Na kwa mkono wa nabii alihifadhiwa.

14 Kum 28:37; Dan 11:18 Efraimu amenitia hasira kali sana; kwa sababu hiyo damu yake itaachwa juu yake, na Bwana wake atamrudishia lawama yake.