Zab 114 - Swahili Union Version Bible

Maajabu ya Mungu Wakati wa kutoka Misri

1 Kut 12:51 Haleluya.

Israeli alipotoka Misri,

Na Yakobo katika watu wa lugha ya kigeni.

2Yuda ilikuwa patakatifu pake,

Israeli milki yake.

3 Kut 14:21; Yos 3:16 Bahari iliona ikakimbia,

Yordani ilirudishwa nyuma.

4 Zab 29:6; 68:16; Hab 3:6 Milima iliruka kama kondoo waume,

Vilima kama wana-kondoo.

5Ee bahari, una nini, ukimbie?

Yordani, urudi nyuma?

6Enyi milima, mruke kama kondoo waume?

Enyi vilima, kama wana-kondoo?

7Tetemeka, Ee nchi, mbele za uso wa Bwana,

Mbele za uso wa Mungu wa Yakobo.

8 Kut 17:1-7; Hes 20:2-13; Zab 107:35 Augeuza mwamba kuwa ziwa la maji,

Jiwe gumu kuwa chemchemi.