Zab 123 - Swahili Union Version Bible

Ombi la HurumaWimbo wa kupanda mlima.

1Nimekuinulia macho yangu,

Wewe uketiye mbinguni.

2Kama vile macho ya watumishi

Kwa mkono wa bwana zao

Kama macho ya mjakazi

Kwa mkono wa bibi yake;

Hivyo macho yetu humwelekea BWANA, Mungu wetu,

Hata atakapoturehemu.

3Uturehemu, Ee BWANA, uturehemu sisi,

Kwa maana tumeshiba dharau.

4Nafsi zetu zimeshiba mzaha wa wenye raha,

Na dharau ya wenye kiburi.