Zab 30 - Swahili Union Version Bible

Shukrani kwa Kuponywa Maradhi MabayaZaburi. Wimbo wa kuweka wakfu hekalu. Ya Daudi.

1Ee BWANA, nitakutukuza kwa maana umeniinua,

Wala hukuwafurahisha adui zangu juu yangu.

2 Zab 6:2-4 Ee BWANA, Mungu wangu,

Nalikulilia ukaniponya.

3 Zab 40:1,2 Umeniinua nafsi yangu,

Ee BWANA, kutoka kuzimu.

Umenihuisha na kunitoa

Miongoni mwao washukao shimoni.

4Mwimbieni BWANA zaburi,

Enyi watauwa wake.

Na kufanya shukrani.

Kwa kumbukumbu la utakatifu wake.

5 Zab 16:11; Ufu 22:17 Maana ghadhabu zake ni za kitambo kidogo,

Katika radhi yake mna uhai.

Huenda kilio huja kukaa usiku,

Lakini asubuhi huwa furaha.

6 Ayu 29:18 Nami nilipofanikiwa nalisema,

Sitaondoshwa milele.

7 Zab 104:29 BWANA, kwa radhi yako

Wewe uliuimarisha mlima wangu.

Uliuficha uso wako,

Nami nikafadhaika.

8Ee BWANA, nalikulilia Wewe,

Naam, kwa BWANA naliomba dua.

9 Zab 115:17 Mna faida gani katika damu yangu

Nishukapo shimoni?

Mavumbi yatakusifu?

Yataitangaza kweli yako?

10 Zab 4:1 Ee BWANA, usikie, unirehemu,

BWANA, uwe msaidizi wangu.

11 2 Sam 6:14 Uligeuza matanga yangu kuwa machezo;

Ulinivua gunia, ukanivika furaha.

12Ili utukufu wangu ukusifu,

Wala usinyamaze.

Ee BWANA, Mungu wangu,

Nitakushukuru milele.