Zab 4 - Swahili Union Version Bible

Ombi la Kuokolewa kutoka kwa AduiKwa mwimbishaji: kwa ala za muziki zenye nyuzi. Zaburi ya Daudi.

1Ee Mungu wa haki yangu, uniitikie niitapo;

Umenifanyizia nafasi wakati wa shida;

Unifadhili na kuisikia sala yangu.

2Enyi wanadamu, hata lini utukufu wangu utafedheheka?

Je! Mtapenda ubatili na kutafuta uongo?

3 Kut 33:16; 2 Pet 2:9 Bali jueni ya kuwa BWANA amejiteulia mtauwa;

BWANA atasikia nimwitapo.

4 Efe 4:26; Mit 3:7 Mwe na hofu wala msitende dhambi,

Tafakarini vitandani mwenu na kutulia.

5 Kum 33:19; Zab 37:3 Toeni dhabihu za haki,

Na kumtumaini BWANA.

6 Zab 80:3 Wengi husema, Nani atakayetuonyesha mema?

BWANA, utuinulie nuru ya uso wako.

7Umenitia furaha moyoni mwangu,

Kupita yao wanapozidishiwa nafaka na divai.

8 Law 26:5; Kum 12:10; Yn 14:27; Flp 4:7 Katika amani nitajilaza na kupata usingizi mara,

Maana Wewe, BWANA, peke yako,

Ndiwe unijaliaye kukaa salama.