Misambu 82 - Mukanda wa Nzambi Dihungila Dikulukulu ne Dihungila Dihia-dihia 2003（TSH）

Badi Bababela bua Kulumbulula Kukonyangale

1Nzambi udi udimanyika mu muaba wandi wa disangisha dia Nzambi, udi ulumbulula bilumbu munkatshi mua nzambi mikuabo.

2Nenulumbuluile bilumbu ne kulumbulula kubi,

nenunemeke mpala ya bantu babi, musangu bule munyi.

3Nulumbulule bantu batekete ne bana ba nshiya ne kulumbulula kuakane;

ulumbuluile badi ne dikenga ne badi bakengela bintu bua kubabingisha.

4Nusungile bantu batekete ne bahele,

nubahandishe mu bianza bia bantu babi.

5Kabena bamanye, kabena bajingulula malu;

badi bendakana eku ne eku mu midima.

Bishimikidi bionso bia buloba bidi bikankishibue.

6Meme nakamba ne, Nudi nzambi,

buonso buenu nudi bana ba balume ba Mutambe Bunene wa mu diulu.

7Kadi nenufue bu bantu bakuabo,

nenuhone hanshi bu mukokeshi yonso.

8Nzambi, bika biebe, ulumbuluishe ba ha buloba;

bualu bua wewe neuhiane bisamba bionso bia bantu.