Yobo 25 - Mukanda wa Nzambi Dihungila Dikulukulu ne Dihungila Dihia-dihia 2003（TSH）

Biledada udi Uhidia ne, Kakuena Muntu Udi mua Kubinga ku Mpala kua Nzambi

1Hashishe, Biledada, Muena Shuhi, wakakudimuna Yobo ne,

2Bukokeshi ne ditshina bidi kudiye,

udi uvuisha ditalala mu miaba yandi ya mu diulu.

3Misumba ya bena nvita bandi idi mua kubadibua, anyi?

Munya wandi kawena utemena bonso, anyi?

4Nunku muntu wa ha buloba udi

mua kubingishibua ku mesu kua Nzambi munyi?

Udi muledibue kudi mukashi udi mua kuikala ne mutshima mutoke munyi?

5Ngondo mene mene kena ne dinkenka,

mitoto kayena mulengele ku mesu kuandi.

6Monai mudi muntu mutambe kukeheshibua, udi bu tshikusu,

ne mudi muana wa muntu mukeheshibue, udi bu musanda!