1A mpontsha noka e sekilego ya meetse a bophelo, e hlakilego bjalo ka kristale, yeo e elelago sedulong sa bogosi sa Modimo le sa Kwana.
2Gare ga mmila le ka mahlakoreng ka bobedi a noka go be go na le sehlare sa bophelo seo se enywago mehuta ye lesomepedi ya dienywa lese enywa dienywa tsa sona kgwedi le kgwedi; matlakala a sehlare e be e le a go fodisa ditshaba.
3Go ka se sa ba le thogako, eupsa sedulo sa bogosi sa Modimo le sa Kwana se tla ba go sona; bahlanka ba gagwe ba tla mo hlankela.
4Ba tla bona sefahlego sa gagwe; leina la gagwe le tla ba diphatleng tsa bona.
5Go ka se be le bosego moo; lega ba nyake kerese goba seetsa sa letsatsi; gobane Morena Modimo o ba nea seetsa, leba tla busa e le dikgosi go isa mehleng ya neng le neng.
6Lea re go nna: Mantsu a ke a go botega le a thereso; Morena Modimo wa baporofeta ba bakgethwa, a roma morongwa wa gagwe go yo bontsha bahlanka ba gagwe seo se swanetsego go dirwa kgauswinyane.
7Bonang, ke tla ka potlako; go segofaditswe yo a bolokago mantsu a boporofeta bja puku ye.
8Nna Johane ka bona dilo tse leka di kwa. Ge ke ekwa le go bona dilo tse, ka wela fase go khunamela maotong a morongwa yo a dirilego gore ke bone dilo tse.
9Ke moka a re go nna: Hlokomela gore o se dire se, ka gobane ke mohlanka-gotee le wena le wa bana beno, baporofeta le wa bao ba bolokago mantsu a puku ye: rapela Modimo.
10Lea re go nna: O se ke wa tiisa mantsu a boporofeta bja puku ye, ka gobane nako e kgauswi.
11Yo a sa lokago, a a sa loka; leyo a silafetsego, a a sa silafala; leyo a lokilego a a sa loka; le yo mokgethwa, a a sa sisinyege.
12Lebona, ke tla ka pela; lemoputso wa ka o go Nna, go fa yo mongwe le yo mongwe go ya ka mosomo wa gagwe.
13Ke nna Alfa le Omega, mathomo le mafelelo.
14Go lehlogonolo bao ba dirago ditaelo tsa gagwe, gore ba tsene motseng ka dikgoro.
15Gobane ka ntle go na le dimpsa le baloi le diotswa le babolai le barapedi ba medimo ya diswantsho le yo mongwe le yo mongwe yo a ratago maaka le go bolela maaka.
16Nna Jesu ke romile morongwa wa ka gore a tle a le hlatsele dilo tse ka diphuthegong. Ke nna modu le bana ba Dafida, le naledi ya mesong ye e phadimago.
17LeMoya le monyadiwa ba re: Etla! leyo a e kwago a re: Etla! leyo a nyorilwego a a tle. Lemang le mang yo a ratago, a a nwe meetse a bophelo ka bolokologi.
18Gobane ke hlatsela motho yo mongwe le yo mongwe yo a kwago mantsu a boporofeta bja puku ye: Ge motho a ka oketsa dilong tse, Modimo o tla mo okeletsa dikotlo tse di ngwadilwego ka pukung ye.
19Ge e ba motho a ka tlosa mantsu a pukung ya boporofeta bjo, Modimo o tla tlosa karolo ya gagwe pukung ya bophelo le motseng o mokgethwa le dilong tse di ngwadilwego ka pukung ye.
20Yo a hlatselago dilo tse o re: Ke tla tla kgauswinyane. Amen. Le ge go le bjalo, etla, Morena Jesu.
21Mogau wa Morena wa rena Jesu Keresete a o be le lena ka moka.
Who We AreWhat We EelieveWhat We Do
2025 by iamachristian.org,Inc All rights reserved.
