Job 25 - Cebuano Contemporary Bible

Ang Tubag ni Bildad

1Unya mitubag si Bildad nga taga-Shua,

2“Gamhanan ug talahuron ang Dios.

Gipatunhay niya ang kalinaw sa kalangitan.

3Maihap ba ang iyang mga sundalo?

Adunay dapit ba nga wala madan-agi sa iyang kahayag?

4Unsaon pag-ingon sa usa ka tawo

nga matarong siya atubangan sa Dios?

Aduna bay natawo nga hinlo?

5Bisan ang bulan ug ang mga bitoon

dili man gani hayag sa iyang panan-aw,

6unsa pa kaha ang tawo

nga sama lang sa usa ka ulod.”