1 Cronicas 6 - Cebuano Contemporary Bible

Ang mga Kaliwat ni Levi nga mga Pari

1Mao kini ang mga anak ni Levi: si Gershon, Kohat, ug Merari.

2Ang mga anak ni Kohat mao sila si Amram, Izhar, Hebron, ug Uziel.

3Ang mga anak ni Amram mao sila si Aaron, Moises, ug Miriam.

Ang mga anak ni Aaron mao sila si Nadab, Abihu, Eleazar, ug Itamar.

4Si Eleazar amahan ni Pinehas.

Si Pinehas amahan ni Abishua.

5Si Abishua amahan ni Buki.

Si Buki amahan ni Uzi.

6Si Uzi amahan ni Zerahia.

Si Zerahia amahan ni Merayot.

7Si Merayot amahan ni Amaria.

Si Amaria amahan ni Ahitub.

8Si Ahitub amahan ni Sadok.

Si Sadok amahan ni Ahimaaz.

9Si Ahimaaz amahan ni Azaria.

Si Azaria amahan ni Johanan.

10Si Johanan amahan ni Azaria nga mao ang nag-alagad ingon nga pari sa Templo nga gipatukod ni Solomon didto sa Jerusalem.

11Si Azaria amahan ni Amaria.

Si Amaria amahan ni Ahitub.

12Si Ahitub amahan ni Sadok.

Si Sadok amahan ni Shalum.

13Si Shalum amahan ni Hilkia.

Si Hilkia amahan ni Azaria.

14Si Azaria amahan ni Seraya.

Si Seraya amahan ni Jozadak.

15Kini si Jozadak naapil pagkabihag sa dihang gipabihag sa Ginoo ang katawhan sa Jerusalem ug Juda kang Nebucadnezar.

Ang mga Kaliwat ni Levi nga mga Levita

16Ang mga anak ni Levi mao sila si Gershon, Kohat, ug Merari.

17Ang mga anak ni Gershon mao si Libni ug si Shimei.

18Ang mga anak ni Kohat mao sila si Amram, Izhar, Hebron, ug Uziel.

19Ang mga anak ni Merari mao si Mali ug si Mushi.

Mao kini ang mga pamilya sa mga Levita, nga nalista sumala sa ilang mga katigulangan:

20Sa mga kaliwat ni Gershon: si Libni, Jahat, Zima,

21Joa, Iddo, Zera, ug si Jeaterai.

22Sa mga kaliwat ni Kohat: si Aminadab, Kora, Asir,

23Elkana, Ebiasaf, Asir,

24Tahat, Uriel, Uzias, ug si Shaul.

25Sa mga kaliwat ni Elkana: sila si Amasai, Ahimot,

26Elkana, Zofai, Nahat,

27Eliab, Jeroham, Elkana, ug Samuel.

28Ang mga anak ni Samuel mao si Joel, ang kamagulangan, ug ang ikaduha mao si Abias.

29Sa mga kaliwat ni Merari: sila si Mali, Libni, Shimei, Uza,

30Shimea, Haggia, ug si Asaya.

Ang mga Musikero sa Templo

31Mao kini ang mga tawo nga gitugyanan ni David sa pag-awit ug pagtukar diha sa balay sa Ginoo human mabalhin didto ang Sudlanan sa Kasabotan.

32Nag-alagad sila pinaagi sa pag-awit didto sa Tolda nga Pagsimbahan, nga gitawag usab ug Tolda nga Tagboanan, hangtod sa panahon nga napatukod ni Solomon ang Templo sa Ginoo didto sa Jerusalem. Gihimo nila ang ilang buluhaton sumala sa mga lagda nga gihatag kanila.

33Mao kini sila ang mga nag-alagad uban sa ilang mga anak:

Ang kaliwat ni Kohat nga si Heman nga usa ka musikero.

Si Heman anak ni Joel.

Si Joel anak ni Samuel.

Si Samuel anak ni Elkana.

34Si Elkana anak ni Jeroham.

Si Jehoram anak ni Eliel.

Si Eliel anak ni Toa.

35Si Toa anak ni Zuf.

Si Zuf anak ni Elkana.

Si Elkana anak ni Mahat.

Si Mahat anak ni Amasai.

36Si Amasai anak ni Elkana.

Si Elkana anak ni Joel.

Si Joel anak ni Azaria.

Si Azaria anak ni Sofonias.

37Si Sofonias anak ni Tahat.

Si Tahat anak ni Asir.

Si Asir anak ni Ebiasaf.

Si Ebiasaf anak ni Kora.

38Si Kora anak ni Izhar.

Si Izhar anak ni Kohat.

Si Kohat anak ni Levi.

Si Levi anak ni Israel.

39Ang kaliwat ni Gershon nga si Asaf nga mao ang luyo-luyo ni Heman.

Si Asaf anak ni Berekia.

Si Berekia anak ni Shimea.

40Si Shimea anak ni Micael.

Si Micael anak ni Baaseya.

Si Baaseya anak ni Malkia.

41Si Malkia anak ni Etni.

Si Etni anak ni Zera.

Si Zera anak ni Adaya.

42Si Adaya anak ni Etan.

Si Etan anak ni Zima.

Si Zima anak ni Shimei.

43Si Shimei anak ni Jahat.

Si Jahat anak ni Gershon.

Si Gershon anak ni Levi.

44Ang kaliwat ni Merari nga si Etan nga mao ang ikaduhang sinaligan ni Heman.

Si Etan anak ni Kishi.

Si Kishi anak ni Abdi.

Si Abdi anak ni Maluc.

45Si Maluc anak ni Hashabia.

Si Hashabia anak ni Amazia.

Si Amazia anak ni Hilkia.

46Si Hilkia anak ni Amzi.

Si Amzi anak ni Bani.

Si Bani anak ni Shemer.

47Si Shemer anak ni Mali.

Si Mali anak ni Mushi.

Si Mushi anak ni Merari.

Ug si Merari anak ni Levi.

48Ang ilang mga paryente nga sama usab kanila nga mga Levita, gisaligan sa ubang mga buluhaton sa Tolda nga Tagboanan, ang balay sa Dios.

49Apan si Aaron ug ang iyang mga kaliwat mao ang gahalad sa mga halad nga sinunog ug sa insenso. Sila usab ang nagbuhat sa tanang buluhaton nga adunay kalabotan sa Labing Balaang Dapit, ug sa paghalad alang sa kapasayloan sa sala sa Israel. Gihimo nila kini sumala sa tanang gisugo ni Moises nga alagad sa Dios.

50Mao kini ang mga kaliwat ni Aaron:

si Eleazar, Pinehas, Abishua,

51Buki, Uzi, Zerahia,

52Merayot, Amaria, Ahitub,

53Sadok, ug Ahimaaz.

Ang mga Yuta sa mga Kaliwat ni Levi

54Mao kini ang mga dapit nga gihatag ngadto sa mga kaliwat ni Aaron nga gikan sa pamilya ni Kohat. Sila ang unang gihatagan ug yuta pinaagi sa hulbot-hulbot.

55Naglangkob kini sa Hebron sa Juda ug sa mga sabsabanan sa palibot niini.

56Apan ang mga kaumahan ug ang mga baryo sa palibot sa Hebron gihatag kang Caleb nga anak ni Jefune.

57Busa gihatag ngadto sa mga kaliwat ni Aaron kining mosunod nga mga dapit lakip ang mga sabsabanan niini: Hebron (ang dalangpanan nga lungsod), Libna, Jatir, Eshtemoa,

58Hilen, Debir,

59Ashan, Juta, ug Bet Shemes.

60Ug sa tribo ni Benjamin gihatag kanila ang mga yuta sa Gibeon, Geba, Alemet, ug Anatot, lakip na ang mga sabsabanan niini nga mga dapit. Napulo ug tolo tanan ka lungsod ang gihatag ngadto sa mga kaliwat ni Kohat.

61Ang ubang mga kaliwat ni Kohat gihatagan pinaagi sa hulbot-hulbot ug napulo ka lungsod gikan sa kayutaan sa katunga sa tribo ni Manases.

62Ang mga kaliwat ni Gershon gihatagan ug 13 ka lungsod gikan sa bahin sa mga tribo ni Isacar, Aser, Neftali, ug gikan sa katunga sa tribo ni Manases didto sa Basan.

63Ang mga kaliwat ni Merari gihatagan ug 12 ka lungsod gikan sa tribo ni Ruben, Gad, ug Zabulon.

64-65Busa gihatag sa mga Israelinhon ngadto sa mga kaliwat ni Levi, pinaagi sa hulbot-hulbot, ang nasangpit nga mga lungsod nga gikan sa tribo ni Juda, Simeon, ug Benjamin.

66Ang uban nga mga kaliwat ni Kohat gihatagan ug mga lungsod gikan sa tribo ni Efraim.

67-69Gihatag kanila kining mosunod nga mga dapit apil ang mga sabsabanan libot niini: ang Sekem (ang dalangpanan nga lungsod) sa kabungtoran sa Efraim, ang Gezer, Jokmeam, Bet Horon, Ayalon ug Gat Rimon.

70Ang uban pa nga kaliwat ni Kohat gihatagan sa ilang isigka-Israelinhon ug mga lungsod gikan sa bahin sa katunga sa tribo ni Manases. Ang gihatag kanila mao ang Aner ug Bileam, lakip na ang mga sabsabanan niini.

71Ang mga kaliwat ni Gershon gihatagan niini nga mga lungsod: Gikan sa katunga sa tribo ni Manases: Golan sa Basan, ug ang Ashtarot, apil ang mga sabsabanan niini.

72-73Gikan sa tribo ni Isacar: Ang Kedesh, Daberat, Ramot, ug Anem, lakip ang mga sabsabanan niini.

74-75Gikan sa tribo ni Aser: Mashal, Abdon, Hukok, ug Rehob, lakip ang mga sabsabanan niini.

76Gikan sa tribo ni Neftali: Kedesh sa Galilea, Hamon, ug Kiriataim, lakip ang mga sabsabanan niini.

77Ang ubang mga kaliwat ni Merari gihatagan niini nga kayutaan: Gikan sa tribo ni Zabulon: Jokneam, Karta, Rimon, ug Tabor, lakip ang mga sabsabanan niini.

78Gikan sa tribo ni Ruben, sa tabok sa Suba sa Jordan sa sidlakang bahin sa Jerico: Bezer sa disyerto, Jahaz,

79Kedemot, ug Mefaat, lakip ang mga sabsabanan niini.

80Ug gikan sa tribo ni Gad: Ramot sa Gilead, Mahanaim,

81Hesbon, ug Jazer, lakip ang mga sabsabanan niini.