Nehemias 7 - Cebuano Contemporary Bible

Ang mga Opisyal sa Jerusalem

1Sa dihang nahuman na ang paril sa siyudad, ug nataod na ang mga sira sa ganghaan niini, gibutang sa ilang katungdanan ang mga tigbalantay sa mga ganghaan, ang mga mag-aawit, ug ang mga Levita.

2Gihatag ko ang katungdanan sa pagdumala sa Jerusalem ngadto sa akong igsoon nga si Hanani uban kang Hanania nga komander sa mga tigbalantay sa tibuok palasyo. Gipili ko si Hanania kay kasaligan siya ug nagtahod sa Dios labaw sa uban.

3Giingnan ko sila, “Ayaw ninyo pasagdi nga abli ang mga ganghaan sa siyudad kon udtong tutok, bisan adunay mga tigbalantay pa nga nagbantay. Kinahanglang sirad-an gayod kini ug kandadohan. Pagbutang usab kamo ug mga tigbalantay nga taga-Jerusalem. Ang uban kanila pabantaya atbang sa ilang mga balay. Ang uban usab ipahimutang sa ubang mga dapit.”

Ang Lista sa mga Tawo nga Namalik gikan sa Pagkabihag(Ezra 2:1-70)

4Niadtong panahona, lapad ang siyudad sa Jerusalem apan diyutay lang ang mga lumulupyo niini ug diyutay lang usab ang mga balay nga natukod.

5Unya gibutang sa akong Dios sa akong huna-huna nga tigomon ang mga pangulo, mga opisyal, ug ang uban pang mga lumulupyo aron marehistro sumala sa ilang kagikan. Nakita ko ang lista sa mga pamilya nga unang namalik gikan sa pagkabihag. Mao kini ang nasulat didto:

6Adunay mga Israelinhon sa probinsya sa Juda nga gibihag kaniadto ni Haring Nebucadnezar ug gidala sa Babilonia. Karon, mihawa na kini sila sa Babilonia ug namalik sa Jerusalem ug sa ilang kaugalingong mga lungsod sa Juda.

7Ang nangulo kanila sa pagbalik sa Jerusalem mao sila si Zerubabel, Jeshua, Nehemias, Azaria, Raamia, Nahamani, Mordecai, Bilshan, Misperet, Bigvai, Nehum, ug Baana.

Ang lista sa mga katawhan sa Israel nga namalik gikan sa pagkabihag:

8Mga kaliwat ni Parosh 2,172

9Mga kaliwat ni Shefatia 372

10Mga kaliwat ni Ara 652

11Mga kaliwat ni Pahat Moab (nga mga kaliwat ni Jeshua ug Joab) 2,818

12Mga kaliwat ni Elam 1,254

13Mga kaliwat ni Zatu 845

14Mga kaliwat ni Zacai 760

15Mga kaliwat ni Binui 648

16Mga kaliwat ni Bebai 628

17Mga kaliwat ni Azgad 2,322

18Mga kaliwat ni Adonikam 667

19Mga kaliwat ni Bigvai 2,067

20Mga kaliwat ni Adin 655

21Mga kaliwat ni Ater (nga gitawag usab ug Ezequias) 98

22Mga kaliwat ni Hashum 328

23Mga kaliwat ni Bezai 324

24Mga kaliwat ni Harif 112

25Mga kaliwat ni Gibeon 95

26Mao kini ang ihap sa mga tawo nga namalik gikan sa pagkabihag, nga ang mga katigulangan nagpuyo niini nga mga lungsod:

Gikan sa Betlehem ug Netofa 188

27Mga namalik gikan sa Anatot 128

28Mga namalik gikan sa Bet Azmavet 42

29Mga namalik gikan sa Kiriat-Jearim, Kefira, ug Beerot 743

30Mga namalik gikan sa Rama ug Geba 621

31Mga namalik gikan sa Mikmas 122

32Mga namalik gikan sa Betel ug Ai 123

33Mga namalik gikan sa usa ka kaliwat ni Nebo 52

34Mga namalik gikan sa usa ka kaliwat ni Elam 1,254

35Mga namalik gikan sa Harim 320

36Mga namalik gikan sa Jerico 345

37Mga namalik gikan sa Lod, Hadid, ug Ono 721

38Mga namalik gikan sa Senaa 3,930

39Mao kini ang mga pari nga namalik gikan sa pagkabihag:

Ang mga kaliwat ni Jedaya (sa pamilya ni Jeshua) 973

40Ang mga kaliwat ni Imer 1,052

41Ang mga kaliwat ni Pashur 1,247

42Ang mga kaliwat ni Harim 1,017

43Mao kini ang mga Levita nga namalik usab gikan sa pagkabihag:

Mga kaliwat nila ni Jeshua ug Kadmiel, nga mga kaliwat ni Hodavia, 74.

44Mga mag-aawit sa Templo, nga mga kaliwat nila ni Asaf, 148.

45Mga tigbalantay sa Templo (nga mga kaliwat nila ni Shalum, Ater, Talmon, Akub, Hatita, ug Shobai), 138.

46Mao kini ang mga kaliwat sa mga sulugoon sa Templo nga namalik usab gikan sa pagkabihag:

Ang mga kaliwat nila ni

Ziha, Hasufa, Tabaot,

47Keros, Siaha, Padon,

48Lebana, Hagaba, Shalmai,

49Hanan, Gidel, Gahar,

50Reaya, Rezin, Nekoda,

51Gazam, Uza, Pasea,

52Besai, Meunim, Nefusim,

53Bakbuk, Hakufa, Harhur,

54Bazlut, Mehida, Harsha,

55Barkos, Sisera, Tema,

56Nezia, ug Hatifa.

57Namalik usab gikan sa pagkabihag ang mga kaliwat sa mga sulugoon ni Solomon:

Ang mga kaliwat nila ni

Sotai, Hasoferet, Perida,

58Jaala, Darkon, Gidel,

59Shefatia, Hatil,

Pokeret-Hazebaim, ug Amon.

60Ang gidaghanon sa mga kaliwat sa mga sulugoon sa Templo ug mga kaliwat sa mga sulugoon ni Solomon, 392.

61-62Adunay 642 usab nga namalik sa Juda gikan sa mga lungsod sa Tel Mela, Tel Harsha, Kerub, Adon ug Imer. Kini sila mga kaliwat nila ni Delaya, Tobia, ug Nekoda, apan dili nila mapamatud-an nga sila mga Israelinhon.

63Namalik usab gikan sa pagkabihag ang mga kaliwat ni Hobaya, Hakoz, ug Barzilai nga mga pari sila. (Sa dihang nangasawa kini si Barzilai, gidala niya ang ngalan sa iyang ugangan nga si Barzilai nga taga-Gilead.)

64Tungod kay dili nila makita ang lista sa ilang mga katigulangan, wala sila dawata ingon nga mga pari.

65Giingnan sila sa gobernador sa Juda nga dili sila mahimong mokaon sa mga pagkaon nga gihalad ngadto sa Dios hangtod nga adunay pari nga makapangutana sa Dios mahitungod sa ilang pagkapari pinaagi sa Urim ug Tumim.

66-69Ang kinatibuk-ang gidaghanon sa mga namalik gikan sa pagkabihag 42,360, walay labot sa mga sulugoon nila nga lalaki ug babaye nga 7,337 ug mga mag-aawit nga lalaki ug babaye nga 245. Adunay dala silang 736 ka kabayo, 245 ka mula, 435 ka kamelyo, ug 6,720 ka asno.

70Unya, ang pipila sa mga pangulo sa mga pamilya nanghatag alang sa buluhaton sa pagtukod pag-usab sa Templo. Ang gobernador mihatag ug walo ka kilong bulawan, 50 ka yahong nga gamiton sa Templo, ug 530 ka bisti alang sa mga pari.

71Ang ubang mga pangulo sa mga pamilya mihatag ngadto sa pundo alang niini nga buluhaton ug 168 ka kilo bulawan ug 1,200 ka kilo pilak.

72Ang kinatibuk-ang gihatag sa uban pang mga tawo, 168 ka kilong bulawan, 1,100 ka kilong pilak, ug 67 ka bisti alang sa mga pari.

73Ang matag-usa kanila namalik sa mga lungsod nga gigikanan sa ilang mga pamilya, apil na ang mga pari, ang mga Levita, ang mga tigbalantay sa mga ganghaan sa Templo, ang mga mag-aawit, ug ang mga sulugoon sa Templo.

Gibasa ni Ezra ang Kasugoan

Pag-abot sa ikapitong bulan sa pagpuyo sa mga Israelinhon sa ilang mga lungsod,