1 Cronicas 25 - Cebuano Contemporary Bible

Ang mga Musikero

1Gigahin ni David ug sa mga komander sa mga sundalo ang mga anak ni Asaf, Heman, ug Jedutun alang sa pagpahayag sa mensahe sa Dios dinuyogan sa mga harpa, lira, ug mga simbal. Mao kini ang lista sa ilang mga ngalan ug sa ilang mga trabaho:

2Gikan sa mga anak ni Asaf: si Zacur, Jose, Netania, ug Asarela. Ubos sila sa pagdumala sa ilang amahan nga si Asaf nga nagpadayag sa mensahe sa Dios ilalom sa mando sa hari.

3Gikan sa mga anak ni Jedutun: si Gedalia, Zeri, Jeshaya, Shimei, Hashabia, ug Matitia, unom silang tanan. Nagtrabaho usab sila ubos sa pagdumala sa ilang amahan nga si Jedutun. Kini si Jedutun nagpadayag sa mensahe sa Dios uban ang pagdayeg ug pagpasalamat sa Ginoo dinuyogan sa harpa.

4Gikan sa mga anak ni Heman: si Bukia, Matania, Uziel, Shubuel, Jerimot, Hanania, Hanani, Eliata, Gidalti, Romamti Ezer, Joshbekasha, Maloti, Hotir, ug Mahaziot.

5Silang tanan mga anak ni Heman, nga propeta sa hari. Gipasidunggan siya sa Dios pinaagi sa paghatag kaniya ug 14 ka mga anak nga lalaki ug tulo ka mga anak nga babaye, sumala sa gisaad sa Dios kaniya.

6Kini silang tanan gidumalahan sa ilang mga amahan sa ilang pagtukar sa mga simbal, lira, ug mga harpa sa ilang pag-alagad sa balay sa Ginoo. Si Asaf, Jedutun, ug Heman ubos sa pagmando sa hari.

7Mikabat sila ug 288 apil ang ilang mga paryente, ug hanas kaayo sila nga mga musikero alang sa Ginoo.

8Naghulbot-hulbot sila alang sa tagsa-tagsa nila ka katungdanan, batan-on man o tigulang, magtutudlo man o estudyante.

9Ang unang nahulbotan sa pamilya ni Asaf mao si Jose ug ang 12 sa iyang mga anak nga lalaki ug mga paryente.

Ang ikaduha mao si Gedalia ug ang 12 sa iyang mga anak ug mga paryente.

10Ang ikatulo mao si Zacur ug ang 12 sa iyang mga anak ug mga paryente.

11Ang ikaupat mao si Izri ug ang 12 sa iyang mga anak ug mga paryente.

12Ang ikalima mao si Netania ug ang 12 sa iyang mga anak ug mga paryente.

13Ang ikaunom mao si Bukia ug ang 12 sa iyang mga anak ug mga paryente.

14Ang ikapito mao si Jesarela ug ang 12 sa iyang mga anak ug mga paryente.

15Ang ikawalo mao si Jeshaya ug ang 12 sa iyang mga anak ug mga paryente.

16Ang ikasiyam mao si Matania ug ang 12 sa iyang mga anak ug mga paryente.

17Ang ikanapulo mao si Shimei ug ang 12 sa iyang mga anak ug mga paryente.

18Ang ika-11 mao si Azarel ug ang 12 sa iyang mga anak ug mga paryente.

19Ang ika-12 mao si Hashabia ug ang 12 sa iyang mga anak ug mga paryente.

20Ang ika-13 mao si Shubael ug ang 12 sa iyang mga anak ug mga paryente.

21Ang ika-14 mao si Matitia ug ang 12 sa iyang mga anak ug mga paryente.

22Ang ika-15 mao si Jeremot ug ang 12 sa iyang mga anak ug mga paryente.

23Ang ika-16 mao si Hanania ug ang 12 sa iyang mga anak ug mga paryente.

24Ang ika-17 mao si Joshbekasha ug 12 sa ang iyang mga anak ug mga paryente.

25Ang ika-18 mao si Hanani ug ang 12 sa iyang mga anak ug mga paryente.

26Ang ika-19 mao si Maloti ug ang 12 sa iyang mga anak ug mga paryente.

27Ang ika-20 mao si Eliata ug ang 12 sa iyang mga anak ug mga paryente.

28Ang ika-21 mao si Hotir ug ang 12 sa iyang mga anak ug mga paryente.

29Ang ika-22 mao si Gidalti ug ang 12 sa iyang mga anak ug mga paryente.

30Ang ika-23 mao si Mahaziot ug ang 12 sa iyang mga anak ug mga paryente.

31Ang ika-24 mao si Romamti Ezer ug ang 12 sa iyang mga anak ug mga paryente.