Sálmarnir 82 - Icelandic Bible 1981

1Asafs-sálmur.

Guð stendur á guðaþingi,

heldur dóm mitt á meðal guðanna:

2“Hversu lengi ætlið þér að dæma með rangsleitni

og draga taum hinna óguðlegu? [Sela]

3Rekið réttar bágstaddra og föðurlausra,

látið hinn þjáða og fátæka ná rétti sínum,

4bjargið bágstöddum og snauðum,

frelsið þá af hendi óguðlegra.”

5Þeir hafa eigi skyn né skilning,

þeir ráfa í myrkri,

allar undirstöður jarðarinnar riða.

6Ég hefi sagt: “Þér eruð guðir

og allir saman synir Hins hæsta,

7en sannlega skuluð þér deyja sem menn,

falla sem einn af höfðingjunum.”

8Rís upp, ó Guð, dæm þú jörðina,

því að þú ert erfðahöfðingi yfir öllum þjóðum.