Псалми 147 - Нов превод на Псалмите од LXX 2024（MAK2024PS）

ПСАЛМ 147Славословие на Господ на целата вселена

1Алилуја, од Агеј и Захарија.

Ерусалиме, пофали Го Господа,

фали Го својот Бог, Сионе,

2 47,13; 80,16; 3 Мојс 26,6; Ис 65,18-19; Ер 33,10-11 зашто ги зацврсти резињата на портите твои,

ги благослови синовите твои во тебе.

3Него, Кој постави мир на границите твои

и со срцевината од пченицата те наситува;

4 28,3-4; 32,9; 106,20; Ис 55,10-11 Кој го испраќа словото Свое на земјата,

брзо ќе дотрча зборот Негов;

5Кој го дава снегот Свој како волна,

маглата како пепел ја посипува.

6Кој мразот Свој го фрла како ронки,

пред лицето на студот Негов кој ќе опстои?

7 Јов 6,16; 36,10; 37,21 Ќе го испрати зборот Свој и ќе ги стопи,

ќе задува ветрот Негов и ќе потечат води.

8 5 Мојс 33,3-4; Сир 45,5; Варух 3,37 Кој му го објавува зборот Свој на Јаков,

одредбите и судовите Свои на Израил.

9 5 Мојс 4,8; Дела 14,16 Не им направи така на сите народи

и судовите Свои не им ги покажа ним.