Псалми 64 - Нов превод на Псалмите од LXX 2024（MAK2024PS）

ПСАЛМ 64Прославување на Создателот

1За крајот. Псалм на Давид, песна;

од Еремија и Езекил, од раселениот народ, кога требаше да заминат.

2Тебе Ти прилега песна во Сион, Боже,

и Тебе ќе Ти се воздаде молитва во Ерусалим.

3 Ис 66,23 Услиши ја молитвата моја;

кон Тебе ќе дојде секое тело.

4 31,1; 77,38 Зборовите на беззакониците надвладеаја над нас

и безбожноста наша Ти ќе ја очистиш.

5Блажен е оној што си го избрал и примил,

тој ќе се насели во дворовите Твои.

Ќе се исполниме со добрата на домот Твој;

свет е храмот Твој, чудесен во правдата.

6 Ис 66,19 Услиши нѐ, Боже, Спасителу наш,

надеж на сите краишта земни

и на оние далеку во морето;

7 23,2; 118,90; Јов 38,6-7 Ти, Кој ги подготвуваш горите со моќта Своја,

Кој си препашан со сила,

8 88,9; 106,29; Ис 17,12; Јов 26,12; Мт 8,26 Кој ја потресуваш морската длабочина,

гласовите на брановите негови.

Ќе се збунат народите

9и од чудесата Твои ќе се уплашат

сите што ги населуваат краиштата;

излегувањата на утрото и вечерта ќе ги украсиш.

10 45,4; 3 Мојс 26,3-4; Ис 30,23.25; Ос 2,8; Јоил 2,22-23 Ја посети земјата и ја напои,

ги умножи нејзините богатства.

Реката Божја се исполни со води;

Ти подготви храна за нив,

зашто таква е подготовката.

11 Ис 30,23 Браздите нејзини напој ги,

умножи го родот нејзин;

во своите капки ќе се зарадува растејќи.

12 Амос 9,13 Ќе го благословиш венецот на годината со благоста Твоја

и полињата Твои ќе се исполнат со изобилство;

13 95,12; 65,1; Ис 44,23 ќе се збогатат со убавина пустините

и ридовите со веселие ќе се препашаат.

14Се облекоа овните во стадата како овци

и долините ќе го умножат житото;

ќе воскликнуваат и химни ќе пеат.