Псалми 94 - Нов превод на Псалмите од LXX 2024（MAK2024PS）

ПСАЛМ 94Прославување на Создателот и Спасителот

1 5 Мојс 32,15 Пофална песна на Давид.

Дојдете да Му се израдуваме на Господа,

да Му воскликнеме на Бога, Спасителот наш;

2 99,4 да го пресретнеме лицето Негово со славословие

и со песни да Му воскликнеме.

3 5,2; 46,2; 76,13; 95,4-5; 96,9; 135,2-3; 144,1; Јов 36,22; Дан 2,47 Зашто Господ е Бог велик

и Цар велик над сите богови;

4зашто во раката Негова се краиштата на земјата,

и височините горски се Негови.

5 23,1-2 Зашто Негово е морето, и Тој го создаде,

и Неговите раце копното го обликуваа.

6Дојдете да Му се поклониме,

и да паднеме пред Него

и да плачеме пред Господа,

Кој нас нѐ создаде.

7 22,1-4; 78,13; Ер 23,1 Зашто Тој е нашиот Бог,

и ние сме народ од пасиштето Негово

и овци од рацете Негови.

Денес, ако гласот Негов го чуете,

8 80,8; 77,8.37; 2 Мојс 17,1-7; 18,4; 4 Мојс 14,22; 19,1-12; 5 Мојс 6,16; 32,8; Евр 3,7-11 не закоравувајте ги срцата ваши како во времето на огорчувањето –

во денот на искушувањето во пустината,

9каде што Ме искушаа татковците ваши,

Ме испитаа и ги видоа делата Мои.

10 5 Мојс 32,5.20; Јов 21,14 Четириесет години негодував на тоа поколение и реков:

„Секогаш се заблудуваат во срцето

и патиштата Мои не ги познаа“;

11 131,8.14; 4 Мојс 14,30.34; 5 Мојс 12,9 па така, се заколнав во гневот Свој:

„Нема да влезат во покојот Мој“.