Псалми 39 - Нов превод на Псалмите од LXX 2024（MAK2024PS）

ПСАЛМ 39Благодарствена молитва на спасениот праведник

1За крајот: псалм на Давид.

2Трпеливо Го чекав Господа, и Тој ме погледна

и го слушна молењето мое,

3 17,4; 68,2; Ер 38,6 и ме изведе од јамата на страдањето

и од калливата тиња,

па ги постави на камен нозете мои

и ги исправи моите чекори;

4 32,3 а во устата моја стави нова песна –

химна за нашиот Бог.

Мнозина ќе видат, и ќе се исплашат

и ќе се надеваат на Господа.

5 1,1; Ер 17,7 Блажен е оној човек кому името Господово му е надеж

и кој не погледнал на суетни нешта и на бладања лажни.

6 34,10; 70,15; 138,17-18; Јн 21,25 Многу чудесни дела си направил, Господи, Боже мој,

и нема сличен на Тебе во замислите Твои.

Објавив и реков: „Толку се намножија, што им нема број“.

7 49,8-10; 50,16-19; 68,30-31; Ос 6,6; Амос 5,22 Жртва и принос Ти не си посакал, но тело си ми приготвил,

сепаленица и жртва за грев Ти не си побарал.

8 Јн 5,39 Тогаш реков: „Ете, доаѓам;

напишано е за мене во поглавјето на книгата“;

9Боже мој, посакав да ја извршувам волјата Твоја

и законот Твој среде утробата моја.

10 34,18; 106,32 Благовестев правда во големото собрание;

ете, усните свои нема да ги затворам;

Ти го знаеш тоа, Господи.

11 77,4 Во срцето свое не ја сокрив правдата Твоја,

вистината Твоја и спасението Твое ги објавив;

милоста Твоја и вистината Твоја од големиот собир не ги сокрив.

12 24,21 А Ти, Господи, не оддалечувај го Твоето милосрдие од мене;

милоста Твоја и вистината Твоја постојано нека ме поткрепуваат,

13 6,7; 37,4.10; 68,4 зашто зла безбројни ме опкружија;

ме притиснаа беззаконијата мои, та не можев ни да гледам;

се умножија по­ве­ќе од влакната на главата моја;

и срцето мое ме напушти.

14 21,19; 69,1-5 Благоволи, Господи, да ме избавиш;

Господи, гледај да ми помогнеш!

15 34,4.26 Нека поцрвенат и нека се засрамат

сите што ја бараат душата моја за да ја растргнат!

Нека се одвратат и нека се засрамат

оние што ми посакуваат зло.

16 34,21.25 Веднаш нека го земат врз себе срамот

оние што ми велат: „Добро е, добро е!“

17 34,27; 68,6.32; 103,1 Нека Ти се радуваат и нека се развеселат сите што Те бараат, Господи,

и сите што го љубат спасението Твое,

непрестајно да велат: „Нека биде возвеличан Господ!“

18А јас сум беден и сиромав;

Господ ќе се погрижи за мене.

Помошник мој и заштитник мој си Ти;

Боже мој, не за­доцнувај.