Псалми 136 - Нов превод на Псалмите од LXX 2024（MAK2024PS）

ПСАЛМ 136Тагување на заробените во Вавилон

1 Ез 3,15; Плач 3,48-51 На Давид.

На реките Вавилонски,

таму седевме и плачевме

кога си спомнувавме за Сион.

2 Ис 24,8; Ер 25,10 На врбите среде него

ги обесивме инструментите наши.

3Зашто таму оние што нѐ поробија

побараа од нас зборови од песни

и оние што нѐ одведоа – химна:

„Пејте ни од песните Сионски“.

4Како да пееме песна Господова

на туѓа земја?

5 Ер 51,50 Ако те заборавам тебе, Ерусалиме,

да ме заборави десницата моја.

6 21,15; Ез 3,26; Јов 29,10 Да се залепи јазикот мој за грлото мое,

ако не се сетам на тебе,

ако не го истакнам Ерусалим

како почеток на моето веселие.

7 Ез 25,12-14; Авд 1,10-14; Плач 4,21 Во денот на Ерусалим,

спомни си, Господи, за синовите Едомски, кои велеа:

Срушете го, срушете го до основите негови!

8 27,4 Ќерко Вавилонска, несреќнице,

блажен е оној што ќе ти врати со иста мера

за она што ни го направи;

9 Ис 13,16; Ос 14,1; Наум 3,10; Лк 19,44 блажен е оној што ќе ги зграпчи децата твои

и ќе ги распарчи од камен.