Псалми 83 - Нов превод на Псалмите од LXX 2024（MAK2024PS）

ПСАЛМ 83Копнеж за Божјото светилиште

1 8,1 За крајот, за гмечалките. Псалм за Кореевите синови.

2Колку се мили живеалиштата Твои,

Господи на силите.

3 41,2.8; 121,1 Копнее и чезнее душата моја за дворовите Господови.

Срцето мое и телото мое Му се зарадуваа на Бога Живиот.

4 5,2 Зашто при жртвениците Твои,

и врапчето си најде дом и грлицата гнездо,

каде што ќе ги положи пилињата свои, Господи над силите,

Цару мој и Боже мој.

5Блажени се оние што престојуваат во домот Твој,

во вечни векови ќе Те фалат.

6Блажен е човекот кому поткрепата му е во Тебе, Господи,

возвишувања во своето срце тој си постави,

7 Ез 34,26; Јоил 2,23 во долината на плачот, во местото што самиот го назначи.

Зашто Законодавецот ќе даде благослови;

8одете од сила во сила,

Бог на боговите ќе биде виден во Сион.

9Господи, Боже на силите, услиши ја молитвата моја;

чуј, Боже Јаковов.

10Боже, Заштитнику наш,

види и погледни на лицето на Својот помазаник.

11Зашто еден ден во дворовите Твои е подобар од илјада други.

Решив: подобро да бидам поттурнат во домот на Бога,

отколку да живеам во живеалиштата на грешниците.

12 46,9; 88,18 Зашто милост и вистина љуби Господ Бог,

благодат и слава ќе даде.

Господ нема да ги лиши од добра оние што во непорочност одат.

13Господи, Боже на силите,

блажен е човекот што се надева на Тебе.