Псалми 90 - Нов превод на Псалмите од LXX 2024（MAK2024PS）

ПСАЛМ 90Бог е наш вечен заштитник

1Пофална песна на Давид.

Оној што живее под закрилата на Севишниот,

тој ќе се насели под покривот на небесниот Бог.

2 17,2 Ќе Му рече на Господа:

„Ти си мој застапник и мое прибежиште,

Бог мој, на Кого ќе се надевам“.

3Зашто Тој ќе те избави од замката на ловците

и од збор што збунува.

4 16,8; 5 Мојс 32,11; Рута 2,12; Мт 23,37 Со плеќите Свои ќе те осени

и под крилјата Негови ќе се надеваш;

како оружје ќе те опкружи вистината Негова.

5 Изреки 3,25; Песна 3,8 Нема да се исплашиш од ноќен страв,

од стрели што летаат дење,

6 5 Мојс 32,24; Ер 15,8; Ос 13,14; Сир 34,16 од напаст што демне во темнина,

од зараза и од демон пладневен.

7Покрај тебе ќе паднат илјада и десет илјади десно од тебе,

но до тебе нема да се приближат;

8сепак, со очите свои ќе гледаш

и отплатата на грешниците ќе ја видиш.

9Зашто, Ти си, Господи, надеж моја;

Севишниот Го постави за свое прибежиште.

10 5 Мојс 7,15; Изреки 12,21 Зло нема да те снајде

и камшик нема да се приближи до шаторот твој;

11 Мт 4,6; Евр 1,14 Зашто на ангелите Свои ќе им заповеда за тебе,

да те чуваат на сите патишта твои.

12 Изреки 3,23 На раце ќе те подигнат,

за да не си ја сопнеш на камен ногата своја.

13 Ис 11,8; Јов 5,19-22; Мк 16,18; Лк 10,19 На аспида и на змија отровница ќе стапнуваш

и лав и змеј ќе згазиш.

14 9,10 Зашто на Мене се надеваше и ќе го избавам;

ќе го покријам, зашто го позна името Мое.

15 Ис 43,2; Ер 33,3 Ќе повика кон Мене и ќе го услишам;

со него сум во маката,

ќе го избавам и ќе го прославам.

16 22,6; 49,23; Јов 5,26; Изреки 3,2; 10,27 Со долгоденствие ќе го исполнам

и ќе му го покажам спасението Мое.