Псалми 24 - Нов превод на Псалмите од LXX 2024（MAK2024PS）

ПСАЛМ 24Молитва за заштита

1 85,4 Псалм на Давид.

Кон Тебе, Господи, ја издигнав душата моја, Боже мој.

2 21,5; 39,14-15; Ис 49,23; 49,7 На тебе се препуштив; да не се посрамам,

да не ме исмеат непријателите мои.

3Зашто сите што трпеливо Те исчекуваат,

нема да се посрамат;

нека се посрамат сите што залудно вршат беззаконија.

4 26,11; 85,11; 118,12.27.33; 142,8 Патиштата Твои, Господи, покажи ми ги

и за патеките Твои научи ме.

5 Јн 14,4-6; 15,13 Упати ме на Твојата вистина и научи ме,

зашто Ти си Бог, мојот Спасител,

и Тебе Те исчекував цел ден.

6Спомни си за Твоето милосрдие, Господи,

и за милостите Твои, зашто се од века.

7 78,8; 105,4; Ис 64,8; Јов 13,26 Гревовите на младоста моја и незнаењето мое не спомнувај ги;

по милоста Своја, Господи, Ти сети се на мене, заради добрината Твоја!

8Добар и чесен е Господ,

затоа ќе ги поучи оние што на патот грешат.

9Тој ќе ги води кротките кон правда,

ќе ги научи кротките на патиштата Свои.

10 84,9-10; Тов 3,2 Сите патишта Господови се милост и вистина

за оние што ги бараат заветот Негов и сведоштвата Негови.

11Заради името Твое, Господи,

прости го и гревот мој, зашто е голем.

12 Изреки 19,23 Кој е човекот што се бои од Господа?

Тој нему ќе му постави закон на патот што го избрал.

13 36,9.29; Ис 57,13; 59,19 Душата негова ќе се насели во добро

и семето негово ќе ја наследи земјата.

14Господ е крепост за оние што се бојат од Него

и заветот Свој ним ќе им го покаже.

15 30,4; 122,1; 140,8 Очите мои секогаш се кон Господа,

зашто Тој ќе ги избави од замка нозете мои.

16 85,16; 118,132 Погледни на мене и смилувај се на мене,

зашто сум сам и беден.

17Жалостите на срцето мое се умножија,

од неволите мои избави ме.

18 31,5; 84,2; 118,153 Види го смирението мое и мојот труд,

па прости ми ги сите гревови мои.

19Види ги непријателите мои – колку се намножија

и со неправедна омраза ме намразија.

20Сочувај ја душата моја и избави ме;

да не се посрамам, зашто на Тебе се надевав.

21Незлобливите и чесните се припоија до мене,

зашто Тебе, Господи, Те исчекував.

22Избави го, Боже, Израилот од сите неволи негови.