Псалми 128 - Нов превод на Псалмите од LXX 2024（MAK2024PS）

ПСАЛМ 128Молитва за помош против непријателите на Сион

1 123,1 Песна на искачувањата.

Многупати ме напаѓаа од младоста моја –

нека каже сега Израил –

2 117,13; Јн 16,33 многупати ме напаѓаа од младоста моја,

па, сепак, не ме совладаа.

3 Ис 51,23 Грешниците врз плеќите ми кроеја сплетки,

тие го продолжија беззаконието свое.

4Господ праведен

им ги пресече вратовите на грешниците.

5 34,4; 39,14 Нека се посрамат и нека се вратат назад

сите што го мразат Сион.

6 36,2; 4 Цар 19,26; Ис 37,27 Нека бидат како трева на покривите,

која се суши пред да биде откорната;

7со која жетварот нема да ја исполни раката своја,

ниту пазувата своја собирачот на снопови;

8 117,26; Рута 2,4 и не рекоа минувачите:

Благослов Господов на вас,

ве благословуваме во името Господово.