Псалми 146 - Нов превод на Псалмите од LXX 2024（MAK2024PS）

ПСАЛМ 146Прославување и благодарност за Божјите дарови

1 91,1 Алилуја, од Агеј и Захарија.

Фалете Го Господа,

зашто пофалната песна е добра;

пофалбата нека Му се слади на нашиот Бог.

2 50,19; Ис 11,12; 55,7; Ер 31,10 Господ го гради Ерусалим

и ќе го собере ислеништвото Израилево.

3 Ис 61,1; Ер 33,6; Јов 5,18 Тој ги исцелува оние со скршено срце

и ги преврзува раните нивни.

4 Ис 40,26 Тој мноштвото ѕвезди ги брои

и сите нив по име ги вика.

5 Ис 40,28 Нашиот Господ е голем,

и голема е крепкоста Негова

и неизмерлив е разборот Негов.

6 1 Цар 2,7; Сир 10,14-18 Господ ги прифаќа кротките,

а грешниците ги понижува до земјата.

7Започнете со славословие кон Господа,

воспевајте Го нашиот Бог со лира,

8 103,10; Ер 14,22; Јоил 2,23; Јов 5,9-10 Него, Кој го прекрива небото со облаци,

Кој подготвува дожд за земјата,

Кој прави тревата да расне на горите

и зеленилото да им послужи на луѓето,

9 103,27-28; Јов 38,41; Мт 6,26 Кој на добитокот му ја дава храната негова

и на пиленцата од гавранот што Го повикуваат.

10 19,7-8; 32,16-18 Стремежот не Му е во силата на коњот,

ниту благоволението – во нозете на човекот.

11Благоволението Господово е во оние што се бојат од Него

и во сите што се надеваат на милоста Негова.