Псалми 70 - Нов превод на Псалмите од LXX 2024（MAK2024PS）

ПСАЛМ 70Молитва за милост Божја во староста

1На Давид. На Јонадавовите синови и на првите затвореници.

Боже, на Тебе се надевав,

да не се посрамам довека.

2Во праведноста Твоја избави ме и изведи ме;

приклони го увото Твое кон мене и спаси ме.

3Биди ми Бог заштитник и место утврдено за да ме спасиш,

зашто утврдување мое и прибежиште мое си Ти.

4 139,1 Боже мој, избави ме од рацете на грешник,

од рацете на беззаконик и од оној што е несправедлив.

5Зашто Ти си трпението мое, Господи;

од младоста моја Господ е мојата надеж.

6 21,9; Ер 17,14 На Тебе се потпрев од раѓањето,

од утробата на мајката моја Ти си мој покровител;

за Тебе е пеењето мое засекогаш.

7 30,11; Ис 52,14; Ез 12,6.11; 23,24.27 Станав небаре чудо за мнозина,

а Ти си помошник силен.

8Нека се исполни устата моја со пофалба,

та да пеам за славата Твоја,

по цел ден за велелепието Твое.

9 21,11.19 Не отфрлај ме во времето на староста,

кога ќе исчезне силата моја не напуштај ме.

10Зашто ми рекоа непријателите мои,

и оние што ја демнат душата моја се советуваа заедно,

11 3,2; 21,8; 68,26 говорејќи: „Бог го остави, гонете го и фатете го,

зашто нема избавител!“

12 21,11; 37,22; 39,13; 69,1 Боже мој, не оддалечувај се од мене;

Боже мој, поитај да ми помогнеш.

13 34,4; 39,14 Нека се посрамат и нека исчезнат оние што ја клеветат душата моја,

да поцрвенат и да се засрамат оние што ми посакуваат зло.

14А јас постојано ќе се надевам

и ќе Те фалам сѐ повеќе.

15 39,5; 138,17-18 Устата моја ќе ја објавува праведноста Твоја,

по цел ден спасението Твое,

зашто не ги познав писанијата.

16Ќе влезам во силата Господова,

само за Твојата праведност ќе си спомнувам, Господи.

17 128,1-2; Ис 46,3-4; Ер 2,2; Ос 2,17 Боже, уште од младоста моја ме поучи

и досега ги објавувам чудесата Твои.

18 21,30 И дури до староста и остареноста не оставај ме, Боже,

дури не ја објавам мишката Твоја на сите поколенија што доаѓаат,

моќта Твоја и правдата Твоја;

19и до највишните височини – делата што Ти си ги направил, Боже.

Боже, кој е како Тебе?

20Колку ли многу маки и зла ми покажа, но се врати и ме оживеа

и од бездните земни повторно ме изведе.

21Врз мене го умножи величието Твое, се врати и ме утеши

и од бездните земни повторно ме изведе.

22 91,3 Зашто јас ќе Те славам,

на харфа ќе ја фалам вистината Твоја, Боже;

ќе Те воспевам на лира, Светецу Израилев!

23Усните мои ќе се зарадуваат кога ќе Те воспевам,

а и душата моја, која ја избави.

24 34,26 Дури и јазикот мој по цел ден ќе се поучува на правдата Твоја,

кога ќе поцрвенат и ќе се посрамат оние што ми посакуваат зло.