Псалми 51 - Нов превод на Псалмите од LXX 2024（MAK2024PS）

ПСАЛМ 51Опомена за злите клеветници

1 1 Цар 21,6; 21,8-9 За крајот. За поучување, на Давид,

2кога дојде Доик Идумеецот и му јави на Саул велејќи му: „Дојде Давид во домот на Авимелех“.

3Зошто се фалиш со злобата, силнику,

со беззаконието по цел ден?

4Неправда смисли јазикот твој,

како изострен брич направи измама.

5 Ер 4,22; 9,3; Јн 3,19-20 Ја засака злобата повеќе од добрината,

неправдата повеќе од говорењето правда.

6Ги засака сите зборови погубни

и јазикот лукав.

7 27,5; Ис 22,17-19; Јов 18,14; Изреки 2,22 Затоа Бог целосно ќе те порази;

ќе те истргне и ќе те пресели од живеалиштето твое

и коренот твој од земјата на живите.

8 39,3 Ќе види праведникот, и ќе се исплаши,

и над него ќе се насмее и ќе рече:

9 1,3; 91,12; Изреки 11,28; Ер 11,16; Зах 4,14 „Еве човек што не Го постави Бога за помошник свој,

туку се понадева на големото богатство свое

и се осили во суетноста своја“.

10А јас сум како маслинка плодна во домот Божји;

се надевав на милоста Божја довека и во вечни векови.

11Ќе Ти се исповедам довека бидејќи тоа го стори

и трпеливо ќе го чекам името Твое,

зашто е добро кон светиите Твои.