Псалми 60 - Нов превод на Псалмите од LXX 2024（MAK2024PS）

ПСАЛМ 60Надеж во Божјата закрила

1За крајот, во химни, на Давид.

2Услиши го, Господи, молењето мое,

чуј ја молитвата моја.

3 26,4-5; 42,3 Од краиштата на земјата кон Тебе повикав,

кога се обесхрабри срцето мое;

на камен ме возвиси,

4 45,1; Изреки 18,11 ме водеше, зашто стана надеж моја,

кула на моќта пред лицето на непријателот.

5 14,1; 16,8 Ќе се населам во живеалиштето Твое довека,

ќе се покријам со покровот на крилјата Твои.

6Зашто Ти, Боже, ги слушна молитвите мои;

им даде наследство на оние што се бојат од името Твое.

7 20,4; 42,3; 65,13; 71,5; 84,10-11; 88,4-26; Ис 16,5; Изреки 20,28 На деновите од царот ќе додадеш денови,

годините негови дури до деновите од поколение на поколение.

8Ќе остане довека пред Бога;

милоста и вистината Негова кој ќе ги испита?

9Така ќе го воспевам името Твое во вечни векови,

за од ден на ден да ги исполнам молитвите мои.