Псалми 96 - Нов превод на Псалмите од LXX 2024（MAK2024PS）

ПСАЛМ 96Господ е славниот Цар на народот

1 92,1; 95,10-11; 98,1 На Давид, кога се воспостави неговата земја.

Господ се зацари, нека се радува земјата,

нека се веселат островите многубројни.

2 84,10-13; 88,14; 95,6; 5 Мојс 4,11; 5,21; 2 Цар 22,12; Изреки 16,12; 24,5 Околу Него облак и примрак,

правдата и судот се утврдување на престолот Негов.

3 17,8; 49,3 Оган пред Него ќе претходи

и на сите страни ќе ги гори непријателите Негови;

4 76,18 Неговите молњи ја осветлија вселената,

земјата виде и се потресе.

5 21,14; 67,2; 96,7; Суд 5,5; Мих 1,4; Јудита 16,18 Од лицето Господово горите се истопија како восок,

од лицето на Господа на сета земја.

6 49,6 Небесата ја објавија правдата Негова

и сите народи ја видоа славата Негова.

7 95,5; 114,4-8; 134,15-18; Ис 1,29; 40,18-20; 41,5-6; 44,8-19; 46,4-6; Ер 2,27-28; 9,23-25; Авак 2,18-19; Посл 1,25.38 Нека се посрамат оние што се поклонуваат на изделкани ликови,

што се фалат со идолите свои.

Поколонете Му се сите ангели Негови.

8 47,11 Сион слушна и се развесели,

и ќерките Јудејски се зарадуваа заради судовите Твои, Господи.

9 82,18; 94,3; 95,4; 2 Лет 2,6 Зашто Ти си Господ Севишен над целата земја,

ненадминливо се надвиши над сите богови.

10 Амос 5,15; Изреки 2,9 Вие што Го љубите Господа,

мразете го злото.

Господ ги чува душите на своите светии,

од рацете на грешници ќе ги избави.

11 4,6; 35,9; 111,4; Ис 5,30; 9,1; 41,15; 57,9 Светлина му изгреа на праведникот

и на чесните по срце – веселие.

12 29,4; 31,11 Вие, праведни, веселете се во Господа

и славете го споменот на светоста Негова.