Псалми 20 - Нов превод на Псалмите од LXX 2024（MAK2024PS）

ПСАЛМ 20Благодарност за победите во минатото

1 62,11 За крајот: псалм на Давид.

2 19,4; 36,4 Господи, со силата Твоја ќе се развесели царот

и за спасението Твое многу ќе се зарадува.

3 2 Цар 12,30; Ест 1,11; Мудр 5,16 Тоа што го посака душата негова Ти му го даде

и од барањето на усните негови не го лиши.

4 60,6-7; 90,16; 3 Цар 1,31; 3,13; 4 Цар 20,1-7; Ис 38,1-20; Изреки 9,11; Дан 2,4; Неем 2,3 Зашто го пресретна со благослови на добрина,

му стави на главата венец од скапоцен камен.

5 44,3; 95,6 Живот побара од Тебе

и Ти му даде долги денови во вечни векови.

6 71,17; 1 Мојс 12,2-3 Голема е неговата слава во спасението Твое,

слава и величие ќе положиш врз него.

7Зашто ќе му дадеш благослов во вечни векови,

ќе го развеселиш со радоста на лицето Твое.

8Зашто царот се надева на Господа

и во милоста на Вишниот нема да се поколеба.

9 2 Цар 23,6-7; Ис 33,11-12; Ос 7,7; Мал 3,19 Нека ги пронајде раката Твоја сите непријатели Твои,

десницата Твоја нека ги најде сите што Те мразат.

10 108,13; Јов 18,19 Зашто ќе ги направиш како печка вжарена, кога ќе се покаже лицето Твое.

Во гневот Свој, Господ ќе ги потресе и оган ќе ги проголта.

11Родот нивен од земјата ќе го истребиш

и потомството нивно меѓу човечките синови,

12 17,40 зашто навалија со зло кон Тебе,

направија план кој не можат да го исполнат.

13 56,5-11 Зашто ќе ги натераш на бегство,

со она што Ти преостана ќе го подготвиш лицето нивно.

14Издигни се, Господи, со силата Своја,

ќе ја воспеваме и славиме моќта Твоја.