Псалми 141 - Нов превод на Псалмите од LXX 2024（MAK2024PS）

ПСАЛМ 141Молитва за избавување на прогонетиот

1За поучување, на Давид, кога беше во пештерата; молитва.

2 76,1 Со гласот мој кон Господа повикав,

со гласот мој на Господа Му се помолив.

3Ќе ја излеам пред Него молитвата моја,

маката моја пред Него ќе ја објавам.

4 76,3; 142,4; 139,5 Кога духот мој исчезнуваше од мене,

Ти ги позна патеките мои.

На овој пат по кој одев,

тие сокрија замка за мене.

5Наѕирав вдесно и гледав,

и немаше никој што ме познава.

Пропадна бегството за мене

и нема кој да ја бара душата моја.

6 15,5; 90,9 Повикав кон Тебе, Господи, и реков:

„Ти си надеж моја,

удел мој во земјата на живите“.

7 17,17; 87,8; 2 Цар 22,18; Плач 3,7 Внимавај на молитвата моја,

зашто прекумерно се понизив.

Избави ме од гонителите мои,

зашто се посилни од мене.

8Изведи ја од темница душата моја,

за да го слави името Твое.

Мене ќе ме чекаат праведните

додека не ми возвратиш.