Псалми 66 - Нов превод на Псалмите од LXX 2024（MAK2024PS）

ПСАЛМ 66Благодарност кон Бога за благословот излиен врз сите народи

1За крајот, во химни. Псалм на песната.

2 4,6; 30,16; 4 Мојс 6,24-25 Боже, смилувај се на нас и благослови нѐ,

Твоето лице нека засветли врз нас.

3 Ер 33,9; Дела 28,28 Да се познае на земјата патот Твој,

меѓу сите народи – спасението Твое.

4Да Те исповедаат и фалат народите, Боже,

да Те исповедаат и фалат сите народи.

5 81,8; 97,9 Да се возвеселат и зарадуваат народите,

зашто ќе им судиш на луѓето чесно

и народите што се на земјата ќе ги водиш.

6Да Те исповедаат и фалат народите, Боже,

да Те исповедаат и фалат сите луѓе.

7 84,12; 3 Мојс 26,4; Ез 34,27; Ос 2,21-22 Земјата го даде плодот свој;

благослови нѐ Боже, Боже наш.

8Благослови нѐ, Боже,

и нека се бојат од Него сите краишта на земјата.