Псалми 69 - Нов превод на Псалмите од LXX 2024（MAK2024PS）

ПСАЛМ 69Молитва за помош против прогонителите

1 24,2; 30,1-3 За крајот. На Давид, за спомен,

2за да ме спаси Господ.

Боже, дојди ми на помош.

3Нека поцрвенат и нека се засрамат

оние што ја бараат душата моја;

нека се вратат назад и нека се посрамат

оние што ми посакуваат зло;

4веднаш нека се вратат засрамени

оние што ми велат: „Добро е! Добро е!“

5Да се зарадуваат и развеселат за Тебе сите што Те бараат

и оние што го љубат спасението Твое,

секогаш да велат: „Да се возвеличи Бог!“

6Јас, пак, беден сум и сиромав, помогни ми, Боже.

Помошник мој и Избавител мој си Ти, Господи, не задоцнувај.