Псалми 126 - Нов превод на Псалмите од LXX 2024（MAK2024PS）

ПСАЛМ 126Сѐ е залудно без Бога

1 Изреки 3,5-6; 10,22; Мт 6,25-34; Јн 15,5 Песна на искачувањата.

Ако Господ не го соѕида домот,

залудно се трудат ѕидарите;

ако Господ не го сочува градот,

залудно бдее стражарот.

2 1 Мојс 3,19; Изреки 3,24-26; Проп 2,24 Залудно ви е да подранувате,

да станувате по седењето,

вие што го јадете лебот на болката,

кога Тој на оние што Го љубат им даде сон.

3 Изреки 17,6 Ете, наследството Господово се синовите,

награда на плодот од утробата.

4Како стрели во раката на силниот,

така за изнемоштените се синовите нивни.

5 Јов 29,5-10; Изреки 31,23 Блажен е човекот што својата желба ќе ја исполни со нив;

тие нема да се посрамат

кога ќе зборуваат со непријателите свои пред портите.