Псалми 38 - Нов превод на Псалмите од LXX 2024（MAK2024PS）

ПСАЛМ 38Молитва за утеха од Господ

1За крајот: песна на Давид, за Идитун.

2Си реков: „Ќе пазам на патиштата мои,

за да не згрешам со јазикот свој“;

поставив стража на устата своја

додека грешникот стоеше пред мене.

3 31,3; 37,13 Онемев и се понижив, замолкнав дури и за добрините,

но болката ми се обнови.

4Срцето мое во мене се стопли

и додека размислувам ќе се разгори оган.

Проговорив со јазикот свој:

5 88,47 „Покажи ми го, Господи, мојот крај

и кој е бројот на моите дни,

за да разберам од што сум лишен“.

6 61,9; 89,9-10; Јов 7,6.16; 14,1.5 Ете, Ти си ми дал дни колку една пе­да

и моето постоење е како ништо пред Тебе.

И навистина, сѐ е суета,

секој човек што живее.

7Навистина, човекот како привидение талка и залудно се измачува;

собира во ризница и не знае за кого собира.

8И сега, која е причината за моето трпение?

Зар не е Господ?

И моето постоење е од Тебе.

9Од сите беззаконија мои избави ме;

Ти ме направи потсмев за безумниот.

10Занемев и не ја отворив устата своја,

заш­то Ти така ми направи.

11Отстрани ги од мене ударите Твои,

бидејќи изнемоштев од силината на Твојата рака.

12 Ис 50,9; 51,7; Ос 5,12; Јов 4,19; 13,27; Мт 6,20 Со прекори поради беззаконието го воспитуваш човекот

и како пајажина си ја истанчил душата негова;

навистина, секој човек напразно се вознемирува.

13 118,19; 1 Мојс 23,4; 3 Мојс 25,23; 1 Лет 29,15; Евр 11,13; 1 Птр 2,11 Услиши ја, Господи, молитвата моја и молењето мое чуј го;

солзите мои не премолчувај ги,

зашто сум дојденец кај Тебе и туѓинец,

како сите татковци мои.

14Допушти ми да здивнам,

пред да за­минам и да ме нема веќе.